Mipaka ya Kanaani

³“ ‘Upande wenu wa kusini utajumuisha sehemu ya Jangwa la Sini kufuata mpaka wa Edomu. Upande wa mashariki mpaka wenu wa kusini utaanzia mwisho wa Bahari ya Chumvi,[#34:3 yaani Bahari Mfu]

⁴katiza kusini mwa Pito la Akrabimu, kuendelea hadi Sini na kwenda kusini mwa Kadesh-Barnea. Kisha mpaka huo utaenda hadi Hasar-Adari hadi Azmoni,

⁵mahali mpaka utapinda, na kuunganika na Kijito cha Misri, na kumalizikia kwenye Bahari ya Kati.[#34:5 yaani Bahari ya Mediterania]

⁶Mpaka wenu wa magharibi utakuwa Bahari ya Kati. Huu utakuwa mpaka wenu upande wa magharibi.

⁷Kwa mpaka wenu wa kaskazini, wekeni alama kuanzia Bahari ya Kati hadi mlima Hori,

⁸na kutoka mlima Hori hadi Pito la Hamathi. Kisha mpaka utaenda hadi Sedadi,

⁹kuendelea hadi Zifroni, na kuishia Hasar-Enani. Huu utakuwa mpaka wenu upande wa kaskazini.

¹⁰Kwa mpaka wenu wa mashariki, wekeni alama kuanzia Hasar-Enani hadi Shefamu.

¹¹Mpaka utaelekea kusini kuanzia Shefamu hadi Ribla upande wa mashariki wa Aini, na kuendelea kwenye miteremko mashariki mwa Bahari ya Kinerethi.[#34:11 yaani Bahari ya Galilaya]

¹²Kisha mpaka utashuka kuelekea Mto Yordani na kuishia katika Bahari ya Chumvi.

¹³Musa akawaamuru Waisraeli: “Gawanyeni nchi hii kwa kura kama urithi. Bwana ameagiza kwamba itolewe kwa yale makabila tisa na nusu,

¹⁴kwa sababu jamaa ya kabila la Reubeni, kabila la Gadi, na nusu ya kabila la Manase wamekwishapokea urithi wao.

¹⁵Haya makabila mawili na nusu wamekwishapokea urithi wao upande wa mashariki wa Yordani ngʼambo ya Yeriko, kuelekea mawio ya jua.”

¹⁶Bwana akamwambia Musa,

¹⁷“Haya ndiyo majina ya watu ambao watakusaidia kugawanya nchi kama urithi: Eleazari kuhani na Yoshua mwana wa Nuni.

¹⁸Tena uteue kiongozi mmoja kutoka kila kabila kusaidia kuigawanya nchi.

“Kalebu mwana wa Yefune, kutoka kabila la Yuda;

²⁰Shemueli mwana wa Amihudi, kutoka kabila la Simeoni;

²¹Elidadi mwana wa Kisloni, kutoka kabila la Benyamini;

²²Buki mwana wa Yogli, kiongozi kutoka kabila la Dani;

²³Hanieli mwana wa Efodi, kiongozi kutoka kabila la Manase mwana wa Yusufu;

²⁴Kemueli mwana wa Shiftani, kiongozi kutoka kabila la Efraimu mwana wa Yusufu;

²⁵Elisafani mwana wa Parnaki, kiongozi kutoka kabila la Zabuloni;

²⁶Paltieli mwana wa Azani, kiongozi kutoka kabila la Isakari;

²⁷Ahihudi mwana wa Shelomi, kiongozi kutoka kabila la Asheri;

²⁸Pedaheli mwana wa Amihudi, kiongozi kutoka kabila la Naftali.”