Zaburi 47

Mtawala mwenye enzi yote

¹Pigeni makofi, enyi mataifa yote,

mpigieni Mungu kelele za shangwe!

²Jinsi gani alivyo wa kutisha, Bwana Aliye Juu Sana,

Mfalme mkuu juu ya dunia yote!

³Ametiisha mataifa chini yetu,

watu wengi chini ya miguu yetu.

⁴Alituchagulia urithi wetu,

fahari ya Yakobo, aliyempenda.

⁵Mungu amepaa kwa kelele za shangwe,

Bwana kwa sauti za tarumbeta.

⁶Mwimbieni Mungu sifa, imbeni sifa,

mwimbieni sifa Mfalme wetu, imbeni sifa.

⁷Kwa kuwa Mungu ni mfalme wa dunia yote,

mwimbieni zaburi za sifa.

⁸Mungu anayatawala mataifa,

Mungu ameketi kwenye kiti chake cha enzi kitakatifu.

⁹Wakuu wa mataifa wanakusanyika

kama watu wa Mungu wa Abrahamu,

kwa kuwa wafalme wa dunia ni mali ya Mungu;

yeye ametukuka sana.