Nehemia 11

Wenyeji wa Yerusalemu na wa nchi ya Yuda.

¹Wakuu wa watu wakaja kukaa Yerusalemu, lakini watu wengine wakapiga kura, katika kila watu kumi wapate mmoja wa kumpeleka kukaa Yerusalemu ulio mji mtakatifu; wale wengine tisa wakae mijini.[#Neh. 7:5.]

²Watu wakawabariki hao waume waliojipa mioyo ya kukaa Yerusalemu.

³Hawa ndio wakuu wa mitaa waliokaa Yerusalemu namo mijini mwa nchi ya Yuda; wakakaa kila mtu mahali palipokuwa mali yake katika miji yao: Waisiraeli, watambikaji, Walawi, watumishi wa Nyumbani mwa Mungu na wana wa watumwa wa Salomo.[#Neh. 7:57.]

⁴Yerusalemu wakakaa wengine wao wana wa Yuda na wana wa Benyamini. Wana wa Yuda walikuwa: Ataya, mwana wa uzia, mwana wa Zakaria, mwana wa Amaria, mwana wa Sefatia, mwana wa Mahalaleli wa wana wa Peresi.

⁵Na Masea, mwana wa Baruku, mwana wa Koli-Hoze, mwana wa Hazaya, mwana wa Adaya, mwana wa Yoyaribu, mwana wa Zakaria, mwana wa Msiloni.

⁶Wana wote wa Peresi waliokaa Yerusalemu walikuwa waume wenye nguvu 468.

⁷Hawa ndio wana wa Benyamini: Salu, mwana wa Mesulamu, mwana wa Yoedi, mwana wa Pedaya, mwana wa Kolaya, mwana wa Masea, mwana wa Itieli, mwana wa Yesaya,

⁸nyuma yake Gabai-Salai; ni watu 928.

⁹Yoeli, mwana wa Zikiri, alikuwa msimamizi wao, naye Yuda, mwana wa Hasenua, alikuwa msimamizi wa pili wa mji.

¹⁰Watambikaji walikuwa: Yedaya, mwana wa Yoyaribu, Yakini,

¹¹Seraya, mwana wa Hilkia, mwana wa Mesulamu, mwana wa Sadoki, mwana wa Merayoti, mwana wa Ahitubu, aliyekuwa msimamizi mkuu wa Nyumba ya Mungu;

¹²pamoja na ndugu zao walioifanyia Nyumba ya Mungu kazi, walikuwa watu 822. Tena Adaya, mwana wa Yerohamu, mwana wa Pelalia, mwana wa Amusi, mwana wa Zakaria, mwana wa Pashuri, mwana wa Malkia;

¹³pamoja na ndugu zake walio wakuu wa milango walikuwa watu 242. Tena Amasai, mwana wa Azareli, mwana wa Azai, mwana wa Mesilemoti, mwana wa Imeri;

¹⁴pamoja na ndugu zao waliokuwa wenye nguvu walikuwa watu 128; msimamizi wao alikuwa Zabudieli, mwana wa Hagedolimu.

¹⁵Walawi walikuwa: Semaya, mwana wa Hasubu, mwana wa Azirikamu, mwana wa Hasabia, mwana wa Buni,

¹⁶na Sabutai na Yozabadi waliokuwa wenye kazi za nje ya Nyumba ya Mungu, nao waliokuwa miongoni mwao wakuu wa Walawi.

¹⁷Tena Matania, mwana wa Mika, mwana wa Zabudi, mwana wa Asafu, kiongozi wao walioimba shangilio la kushukuru, watu walipoomba. Tena Bakibukia aliyekuwa miongoni mwa ndugu zake; tena abuda, mwana wa samua, mwana wa Galali, mwana wa Yedutuni.

¹⁸Walawi wote katika mji mtakatifu walikuwa watu 284.

¹⁹Walinda malango walikuwa: Akubu na Talmoni na ndugu zao; ndio walioyangoja malango, walikuwa watu 172.

²⁰Waisiraeli wengine, nao watambikaji na Walawi wakakaa katika miji yote ya nchi ya Yuda, kila hapo palipokuwa fungu lake.

²¹Lakini watumishi wa Nyumbani mwa Mungu wakakaa Ofeli; Siha na Gisipa walikuwa wasimamizi wao watumishi wa Nyumbani mwa Mungu.

²²Msimamizi wa Walawi mle Yerusalemu alikuwa Uzi, mwana wa Bani, mwana wa Hasabia, mwana wa Matania, mwana wa Mika wa wana wa Asafu waliokuwa waimbaji, akawasaidia kutumikia Nyumbani mwa Mungu.

²³Kwani mfalme aliagiza kazi zao na mshahara wao hao waimbaji, ndio waupate siku kwa siku.

²⁴Petaya, mwana wa Mesezabeli, wa wana wa zera, mwana wa Yuda, alikuwa amewekwa na mfalme kuyatengeneza mambo yote ya watu.

²⁵Nako mashambani kwenye viwanja vya kale wakakaa Wayuda wengine Kiriati-Arba na katika vijiji vyake, tena Diboni na katika vijiji vyake na Yekabuseli na katika viwanja vyake,[#Yos. 20:7; 21:11.]

²⁶tena Yesua na Molada na Beti-Peleti,

²⁷Hasari-Suali na Beri-Seba na katika vijiji vyake,

²⁸Siklagi na Mekona na katika vijiji vyake,[#Yos. 15:31.]

²⁹Eni-Rimoni na Sora na Yarmuti,

³⁰Zanoa, Adulamu na katika viwanja vyao. Lakisi na mashambani kwake, Azeka na katika vijiji vyake; basi, wakatua toka Beri-Seba hata bonde la Hinomu.

³¹Lakini wana wa Benyamini wakakaa kuanzia Geba: Mikimasi na Aya na Beteli na katika vijiji vyake,[#Yos. 18:22.]

³²Anatoti, Nobu, Anania,

³³Hasori, Rama, Gitaimu,

³⁴Hadidi, Seboimu, Nebalati,

³⁵Lodi na Ono na Bondeni kwa Mafundi.

³⁶Walawi wengine, ambao kwao kulikuwa kwa Wayuda, wakakaa kwa Wabenyamini.