Ombi la msaada wakati wa dhiki

¹Tuokoe, ee BWANA, maana hamna tena amchaye Mungu[#Isa 57:1]

Maana waaminifu wametoweka katika wanadamu.

²Husemezana yasiyofaa kila mtu na mwenziwe,

Wenye midomo ya kujipendekeza;

Husemezana kwa mioyo ya unafiki;

³BWANA ataikata midomo yote ya kujipendekeza,

Na ulimi unenao maneno ya kiburi;

⁴Waliosema, Kwa ndimi zetu tutashinda;

Midomo yetu ni yetu wenyewe,

Ni nani aliye bwana juu yetu?

⁵Kwa ajili ya kuonewa kwao wanyonge,[#Kut 3:7,8]

Kwa ajili ya kuugua kwao wahitaji,

Sasa nitasimama, asema BWANA,

Nitamweka salama yeye wanayemfyonya.

⁶Maneno ya BWANA ni maneno safi,[#2 Sam 22:31; Zab 18:30; Mit 30:5]

Ni fedha iliyojaribiwa kalibuni juu ya nchi;

Iliyosafishwa mara saba.

⁷Wewe, BWANA, ndiwe utakayetuhifadhi,

Utatulinda na kizazi hiki milele.

⁸Wasio haki hutembea pande zote,

Huku ufisadi ukitukuka kati ya wanadamu.