Nani atakaa katika patakatifu pa Mungu?

¹BWANA, ni nani atakayekaa[#Zab 2:5]

Katika hema yako?

Ni nani atakayeishi

Katika kilima chako kitakatifu?

²Ni mtu aendaye kwa ukamilifu,[#Zab 84:11; Isa 33:15,16]

Na kutenda haki.

Asemaye kweli kwa moyo wake,

³Asiyesingizia kwa ulimi wake.

Wala kumtenda mwenziwe mabaya,

Wala kumsengenya jirani yake.

⁴Anayedharau waovu Machoni pake,[#Yos 9:18-20]

Bali huwaheshimu wamchao BWANA

Aliyeapa ingawa kwa hasara yake,

Hayabadili maneno yake.

⁵Asiyetoa fedha yake apate kula riba,[#Eze 18:8,9]

Asiyepokea rushwa amwangamize asiye na hatia.

Mtu atendaye mambo hayo

Hataondoshwa milele.