2 Mga Cronica 21

¹Nang mamatay si Jehoshafat, inilibing siya sa libingan ng mga ninuno niya sa Lungsod ni David. At ang anak niyang si Jehoram ang pumalit sa kanya bilang hari.

²Ang mga kapatid ni Jehoram ay sina Azarias, Jehiel, Zacarias, Azarias, Micael at Sefatias. Silang lahat ang anak ni Haring Jehoshafat ng Juda.[#21:2 : Sa Hebreo, Israel.]

³Binigyan sila ni Jehoshafat ng maraming regalo na pilak at ginto, mahahalagang bagay at mga napapaderang lungsod sa Juda. Ngunit si Jehoram ang kanyang ipinalit bilang hari dahil siya ang panganay.

Ang Paghahari ni Jehoram sa Juda

⁴Nang matatag na ang paghahari ni Jehoram sa kaharian ng kanyang ama, ipinapatay niya ang lahat ng kanyang kapatid, pati ang ibang mga opisyal ng Juda.

⁵Si Jehoram ay tatlumpuʼt dalawang taóng gulang nang maging hari. Naghari siya sa Jerusalem sa loob ng walong taon.

⁶Sumunod siya sa pamumuhay ng mga hari ng Israel, gaya ng ginawa ng sambahayan ni Ahab, dahil ang kanyang napangasawa ay anak ni Ahab. Masama ang ginawa niya sa paningin ng Panginoon .

⁷Gayunpaman, ayaw wasakin ng Panginoon ang Juda dahil sa kasunduan niya noon kay David na magpapatuloy ang paghahari ng kanyang angkan magpakailanman.[#21:7 : Sa literal, Nangako ang na bibigyan niya si David at ang kanyang angkan ng ilaw magpakailanman.]

⁸Nang panahon ng paghahari ni Jehoram, nagrebelde ang Edom sa Juda, at pumili sila ng sarili nilang hari.

⁹Kaya pumunta si Jehoram at ang kanyang mga opisyal sa Edom dala ang lahat niyang karwahe. Pinalibutan siya at ang kumander ng kanyang mga mangangarwahe ng mga taga-Edom, ngunit kinagabihan ay sinalakay nila ang mga Edomita, nakalusot sila at nakatakas.

¹⁰Hanggang ngayon, nagrerebelde pa rin ang Edom sa Juda.

Sa panahon ding iyon, nagrebelde rin ang Libna sa Juda, dahil itinakwil ni Jehoram ang Panginoon , ang Diyos ng kanyang mga ninuno.

¹¹Nagpatayo siya ng mga sambahan sa mga bulubundukin ng Juda na siyang dahilan ng pagsamba ng mga taga-Jerusalem at taga-Juda sa mga diyos-diyosan.

¹²Pinadalhan ni Propeta Elias si Jehoram ng sulat na nagsasabi:

¹⁶Pagkatapos, pinalusob ng Panginoon laban kay Jehoram ang mga Filisteo at ang mga Arabo, na nakatira malapit sa Etiopia.

¹⁷Nilusob nila ang Juda at sinakop, at sinamsam ang mga ari-arian sa palasyo ng hari, pati ang kanyang mga asawaʼt anak. Ang bunso lang niyang anak na si Ahazias ang hindi nadala.[#21:17 : O Jehoahaz.]

¹⁸Pagkatapos noon, pinahirapan ng Panginoon si Jehoram ng karamdaman sa tiyan na walang kagalingan.

¹⁹At pagkalipas ng dalawang taon, lumabas ang kanyang bituka dahil sa karamdaman, at namatay siya sa sobrang sakit. Hindi nagsindi ng apoy ang kanyang mamamayan sa pagpaparangal sa kanya, tulad ng kanilang ginawa sa kanyang mga ninuno.

²⁰Si Jehoram ay tatlumpuʼt dalawang taóng gulang nang maging hari. Naghari siya sa Jerusalem sa loob ng walong taon. Nang mamatay siya, walang nagluksa sa kanya. Inilibing siya sa Lungsod ni David, pero hindi sa libingan ng mga hari.