Josue 13

Ang Lupaing Sasakupin

¹Napakatanda na ni Josue. Sinabi sa kanya ng Panginoon , “Matanda ka na at marami pang lupain ang kailangang sakupin.

²Ito pa ang mga naiwan: ang lahat ng lupain ng mga Filisteo at taga-Gesur

³na bahagi ng teritoryo ng mga Cananeo. Ito ay mula sa ilog ng Shihor sa silangan ng Ehipto, hanggang sa hilagang hangganan ng Ekron kasama ang limang bayan ng mga Filisteo: Gaza, Asdod, Ashkelon, Gat at Ekron, at ang lupain ng mga Aveo

⁴sa timog; ang lahat ng lupain ng mga Cananeo mula sa Meara, na dating nasasakupan ng mga Sidoneo, hanggang sa Afek na nasa hangganan ng lupain ng mga Amoreo;

⁵ang lupain ng mga Gebalita, at ang buong Lebanon sa silangan, mula sa Baal-gad sa ibaba ng Bundok ng Hermon hanggang sa Lebo-hamat;

⁶at pati ang mga kabundukan mula sa Lebanon hanggang sa Misrefot-maim, na bahagi ng nasasakupan ng mga Sidoneo.

“Sa paglusob ninyo, ako mismo ang magtataboy sa mga nakatira sa mga lugar na ito. Tiyakin mong mahahati-hati ang mga lupaing ito sa mga Israelita bilang mana nila, ayon sa iniutos ko sa iyo.

⁷Isama mo ito sa paghahatiang lupain ng siyam na lahi at sa kalahating lahi ni Manases.”

Ang Pagkakahati-hati ng Lupain sa Silangan ng Ilog Jordan

⁹Ang lupa nila ay mula sa Aroer sa tabi ng Lambak ng Arnon (kasama na ang bayan sa gitna nito) papunta sa buong talampas ng Medeba hanggang sa Dibon.

¹⁰Umabot ito sa lahat ng bayan na pinamahalaan ni Sihon na Amoreo na naghari sa Hesbon, hanggang sa hangganan ng mga Amonita.

¹¹Nakasama rin ang Gilead at ang mga lupaing tinirhan ng mga Gesureo at mga Maacateo at ang buong lugar na tinatawag na Bundok ng Hermon, at ang buong Bashan hanggang Saleca.

¹²Nakasama rin ang kaharian ni Og na hari ng Bashan na naghari sa Astarot at sa Edrei. Si Og ay isa sa mga naiwang Refaimeo. Silaʼy tinalo ni Moises at itinaboy sa kanilang mga lupain.

¹³Ngunit hindi naitaboy ng mga Israelita ang mga taga-Gesur at mga Maacateo, kaya nakatira pa rin sila kasama ng mga Israelita hanggang ngayon.[#13:13 : O hindi na ipinagtabuyan.]

¹⁴Hindi binigyan ni Moises ang lahi ni Levi ng lupain bilang mana. Ang matatanggap nila ay ang bahagi ng mga handog sa pamamagitan ng apoy na para sa Panginoon , ang Diyos ng Israel, ayon sa sinabi niya kay Moises.[#13:14 : Tingnan ang talababa sa Bil. 15:3.]

¹⁶Ang nasasakupan nila ay mula sa Aroer na nasa tabi ng Lambak ng Arnon (kasama na ang bayan sa gitna nito) hanggang sa buong talampas ng Medeba.

¹⁷Nakasama rin ang Hesbon at ang lahat ng bayan nito sa talampas: ang Dibon, Bamot-baal, Bet-baal-meon,

¹⁸Jahaz, Kedemot, Mefaat,

¹⁹Kiryataim, Sibma, Zeret-sahar (na nasa burol sa gitna ng lambak),

²⁰Bet-peor, ang libis ng Pisga, Bet-jeshimot,

²¹at ang lahat ng bayan sa buong talampas at ang lahat ng lugar na sakop ng hari ng Amoreo na si Haring Sihon ng Hesbon. Tinalo siya ni Moises pati ang mga pinuno ng Midian na sina Evi, Requem, Zur, Hur at Reba. Lahat sila ay naghari sa mga lupain nila sa ilalim ng pamamahala ni Haring Sihon.

²²Kasama sa mga pinatay ng mga Israelita si Balaam na manghuhula na anak ni Beor.

²⁵Ang Jazer at ang lahat ng bayan ng Gilead, at ang kalahati ng lupain ng mga Amonita hanggang sa Aroer malapit sa Rabba.

²⁶Nakasama rin ang mga lupain mula sa Hesbon hanggang sa Ramat Mizpa at Betomin, at mula sa Mahanaim hanggang sa hangganan ng bayan ng Debar.

²⁷Ang lupaing natanggap nila sa Kapatagan ng Jordan ay ang Bet-haram, Bet-nimra, Sucot, Zafon at ang nalalabi sa kaharian ni Haring Sihon ng Hesbon. Ang hangganan sa kanluran ay ang Ilog Jordan hanggang sa Lawa ng Galilea.[#13:27 : Sa Hebreo, Araba.]

³⁰Mula sa Mahanaim hanggang sa buong Bashan, ang buong kaharian ni Haring Og ng Bashan at ang animnapung bayan ng Jair na sakop ng Bashan.

³¹Nakasama rin ang kalahati ng Gilead, at ang Astarot at Edrei, ang mga lungsod sa Bashan kung saan naghari si Og.