Ahadi ya Mungu kwa Baruku

¹Haya ndiyo maneno aliyotamka nabii Yeremia mnamo mwaka wa nne wa utawala wa Yehoyakimu mwana wa Yosia naye Baruku mwana wa Neria akawa anayaandika kitabuni.[#45:1 Taz Yer 36:1.]

Yeremia alimwambia Baruku:

²“Mwenyezi-Mungu, Mungu wa Israeli, asema hivi juu yako wewe Baruku:

³Wewe ulisema, ‘Ole wangu! Mwenyezi-Mungu ameniongezea uchungu juu ya maumivu yangu. Nimechoka kupiga kite, wala sipati pumziko.’

⁴Lakini Mwenyezi-Mungu ameniambia nikuambie hivi: Tazama, yale niliyojenga nayabomoa, na yale niliyopanda nayang'oa; nitafanya hivyo katika nchi yote.[#45:4 Taz Yer 1:9-10 maelezo.]

⁵Je, wewe unajitakia mambo makubwamakubwa? Usiyatafute! Achana nayo, maana, ninaleta maangamizi juu ya wanadamu wote. Mimi Mwenyezi-Mungu nimesema. Wewe tuzo lako ni hili: nitayaokoa maisha yako kila mahali utakapokwenda.”[#45:5 Haisemwi hapa ni mambo gani makubwa ambayo Baruku alikuwa anataka kuyafanya. Lakini wazo lililopo ni dhahiri: Katika hali yenyewe haitafaa kitu kutafuta makubwa; yatosha tu kuokoa maisha yake. Rejea Yer 38:2.]