Rafiki ya Mungu

¹Nani ee Mwenyezi-Mungu atakayekaa hemani mwako?

Nani atakayeishi juu ya mlima wako mtakatifu?

²Ni mtu aishiye bila lawama,

atendaye daima yaliyo mema,

asemaye ukweli kutoka moyoni;

³ni mtu asiyesengenya watu,

asiyemtendea uovu rafiki yake,

wala kumfitini jirani yake;

⁴ni mtu anayewadharau wafisadi,

lakini huwaheshimu wamchao Mwenyezi-Mungu;

ni mtu asiyegeuza kiapo chake hata kikimtia hasara;

⁵asiyekopesha fedha yake kwa riba,

wala kupokea rushwa kumdhulumu asiye na hatia.

Mtu atendaye hayo,

kamwe hatatikisika.