Sala ya kuomba ulinzi wa Mungu

¹Usikie, ee Mungu, lalamiko langu;

yalinde maisha yangu na vitisho vya maadui.

²Unikinge na njama za waovu,

na ghasia za watu wabaya.

³Wananoa ndimi zao kama upanga,

wanafyatua maneno ya ukatili kama mishale.

⁴Toka mafichoni wamshambulia mtu mnyofu,

wanamshambulia ghafla bila kuogopa.

⁵Wanashirikiana katika nia yao mbaya;

wanapatana mahali pa kuficha mitego yao.

Wanafikiri: “Hakuna atakayeweza kuiona.”

⁶Hufanya njama zao na kusema:

“Sasa tumekamilisha mpango!

Nani atagundua hila zetu?”

Mipango ya siri imefichika moyoni mwa mtu!

⁷Lakini Mungu atawapiga mishale,[#64:7 Hao maadui (64:3) walishindwa kutambua kwamba Mungu anayo pia “mishale”.]

na kuwajeruhi ghafla.

⁸Atawaangamiza kwa sababu ya maneno yao;[#64:8 Au: Maneno yao yatawaangamiza. Namna hii ya kusema hutumika mara kwa mara katika vitabu au maandishi ya hekima.]

kila atakayewaona atatikisa kichwa.

⁹Hapo watu wote wataogopa;

watatangaza aliyotenda Mungu,

na kufikiri juu ya matendo yake.

¹⁰Waadilifu watafurahi kwa sababu ya Mwenyezi-Mungu,

na kukimbilia usalama kwake;

watu wote wanyofu wataona fahari.