Zaburi 85

Maombi kwa ajili ya ustawi wa taifa

¹Ee Bwana , ulionesha wema kwa nchi yako.

Ulimrejeshea Yakobo baraka zake.

²Ulisamehe uovu wa watu wako,

na kufunika dhambi zao zote.

³Uliweka kando ghadhabu yako yote

na umegeuka na kuiacha hasira yako kali.

⁴Ee Mungu Mwokozi wetu, uturejeshe tena,

nawe uiondoe chuki yako juu yetu.

⁵Je, utatukasirikia milele?

Utaendeleza hasira yako kwa vizazi vyote?

⁶Je, hutatuhuisha tena,

ili watu wako wakufurahie?

⁷Utuoneshe upendo wako usiokoma, Ee Bwana ,

utupe wokovu wako.

⁸Nitasikiliza lile atakalosema Mungu aliye Bwana ;

anaahidi amani kwa watu wake, watakatifu wake:

lakini nao wasirudie upumbavu.

⁹Hakika wokovu wake uko karibu na wale wamchao,

ili utukufu wake udumu katika nchi yetu.

¹⁰Upendo na uaminifu hukutana pamoja,

haki na amani hubusiana.

¹¹Uaminifu huchipua kutoka nchi,

haki hutazama chini kutoka mbinguni.

¹²Naam, hakika Bwana atatoa kilicho chema,

nayo nchi yetu itazaa mavuno yake.

¹³Haki itatangulia mbele yake

na kutengeneza njia kwa ajili ya hatua zake.