Sala ya uthibitisho

¹Ee Mungu, kwa jina lako uniokoe,

Na kwa uweza wako unifanyie hukumu.

²Ee Mungu, uyasikie maombi yangu,

Uyasikilize maneno ya kinywa changu.

³Kwa maana wageni wamenishambulia;

Watu watishao wananitafuta nafsi yangu;

Hawakumweka Mungu mbele yao.

⁴Tazama, Mungu ndiye anayenisaidia;[#Zab 118:7; Isa 41:10; Rum 8:31,32; Ebr 13:6]

Bwana ndiye anayenitegemeza nafsi yangu.

⁵Atawarudishia adui zangu ubaya wao;[#Zab 89:49]

Uwaangamize kwa uaminifu wako.

⁶Kwa ukunjufu wa moyo nitakutolea dhabihu;

Ee BWANA, nitalishukuru jina lako, maana ni jema.

⁷Kwa kuwa limeniokoa na kila taabu;

Na jicho langu limeridhika

Kwa kuwatazama adui zangu.