Sala ya ulinzi wa daima na msaada

¹Nimekukimbilia Wewe, BWANA,

Nisiaibike milele.

²Kwa haki yako uniponye, uniponye,

Unitegee sikio lako, uniokoe.

³Uwe kwangu mwamba wa makazi yangu,[#Zab 44:4]

Ngome imara ya wokovu wangu.

Maana wewe,

Ndiwe mwamba wangu na ngome yangu.

⁴Ee Mungu wangu, uniponye mkononi mwa mkorofi,

Katika mkono wake mwovu na mdhalimu,

⁵Maana ndiwe tegemeo langu, Ee Bwana MUNGU,[#Yer 17:7; Rum 15:13]

Tumaini langu tokea ujana wangu.

⁶Nimekutegemea Wewe tangu kuzaliwa,[#Zab 22:9; Isa 46:3; Yer 3:4]

Ndiwe uliyenitoa tumboni mwa mama yangu,

Ninakusifu Wewe daima.

⁷Nimekuwa kioja kwa watu wengi,[#Isa 8:18; Zek 3:8; 1 Kor 4:9]

Lakini wewe ndiwe kimbilio langu la nguvu.

⁸Kinywa changu kitajazwa sifa zako,

Na heshima yako mchana kutwa.

⁹Usinitupe wakati wa uzee,

Nguvu zangu zipungukapo usiniache.

¹⁰Kwa maana adui zangu husema juu yangu,[#2 Sam 17:1; Mt 27:1]

Nao wanaotaka kuniua hushauriana.

¹¹Wakisema, Mungu amemwacha,

Mfuatieni, mkamateni, hakuna wa kumponya.

¹²Ee Mungu, usiwe mbali nami;[#Zab 22:11; 35:22; 70:1]

Ee Mungu wangu, fanya haraka kunisaidia.

¹³Waaibishwe, watoweshwe, adui za nafsi yangu.[#Zab 35:4; 40:14]

Wavikwe laumu na aibu wanaonitakia mabaya.

¹⁴Lakini mimi nitakutumainia daima,

Nitaendelea kukusifu zaidi na zaidi.

¹⁵Lakini mimi nitakutumainia daima[#Zab 35:28; 40:5]

Na nitaendelea kukusifu zaidi na zaidi.

¹⁶Nitakuja na mambo ya ajabu ya Bwana MUNGU;[#Zek 10:12; Efe 3:16; Flp 4:13; 2 Tim 2:1]

Nitawakumbusha watu haki yako Wewe peke yako.

¹⁷Ee Mungu, umenifundisha tokea ujana wangu;

Nimekuwa nikitangaza miujiza yako hata leo.

¹⁸Na hata nikiwa ni mzee mwenye mvi,

Ee Mungu, usiniache.

Hata niwaeleze watu wa kizazi hiki nguvu zako,

Na kila atakayekuja uweza wako.

¹⁹Na haki yako, Ee Mungu,[#Zab 57:10; Mit 24:7; Isa 5:16; Kut 15:11; Zab 35:10; Isa 40:18,25]

Imefika juu sana.

Wewe uliyefanya mambo makuu;

Ee Mungu, ni nani aliye kama Wewe?

²⁰Wewe, uliyetuonesha mateso mengi, mabaya,[#Zab 60:3; Hos 6:1]

Utatuhuisha tena.

Utatupandisha juu tena

Tokea pande za chini ya nchi.

²¹Laiti ungeniongezea ukuu!

Urejee tena na kunifariji moyo.

²²Nami nitakushukuru kwa kinanda,[#2 Fal 19:22; Isa 60:9]

Na kweli yako, Ee Mungu wangu.

Nitakuimbia Wewe kwa kinubi,

Ee Mtakatifu wa Israeli.

²³Midomo yangu itafurahi sana nikuimbiapo,[#Zab 103:4]

Na nafsi yangu uliyoikomboa.

²⁴Ulimi wangu nao utasimulia

Haki yako mchana kutwa.

Kwa maana wameaibishwa,

Wametahayarika, wanaonitakia mabaya.