NDOA YA TOBIA

Fedha zarudishwa

¹Kwa hiyo Tobia akamwita Rafaeli, akamwambia,

²Ndugu yangu Azaria, utwae mtumishi mmoja na ngamia wawili, uende Rage, mji wa Umedi,

³kwa Gabaeli, ili uniletee ile fedha; tena uje naye kwenye karamu ya harusi. Yaani, Ragueli ameapa nisiondoke mimi.

⁴Ati! Baba yangu anazihesabu siku, nami nikikawia sana atahuzunika mno.

⁵Hivyo Rafaeli akaondoka, akaenda akatua kwa Gabaeli, akampa ile hati. Naye akaileta ile mifuko ya fedha yenye mihuri yake, akampa.

⁶Asubuhi mapema wakaondoka wote wawili wakafika kwenye karamu ya harusi; naye Gabaeli akambariki Tobia na mkewe.