Vibarua katika shamba.

¹*Ufalme wa mbingu umefanana na mtu mwenye numba aliyetoka mapema kutafuta wakulima, wamlimie mizabibu yake.[#Mat. 21:33.]

²Alipokwisha patana na wakulima mchana kutwa kwa shilingi akawatuma katika mizabibu yake.

³Ilipopata saa tatu, akatoka, akaona wengine waliosimama sokoni pasipo kazi.

⁴Nao akawaambia: Nendeni nanyi katika mizabibu! Nami kinachowapasa nitawapani.

⁵Basi, wakaenda. Ilipopata saa sita na saa kenda, akatoka tena, akafanya vilevile.

⁶Hata ilipopata saa kumi na moja, akatoka, akaona wengine waliosimama, akawaambia: Mnasimamaje hapa mchana kutwa pasipo kazi?

⁷Wakamwambia: Kwa sababu hakuna mtu aliyetuita kazini. Akawaambia: Nendeni nanyi katika mizabibu!

⁸Basi ilipokuwa jioni, mwenye mizabibu akamwambia msimamizi wake: Waite wakulima, uwape mshahara wao, uanzie wa mwisho, uishilizie wa kwanza!

⁹Wakaja wa saa kumi na moja, wakapokea kila mtu shilingi.

¹⁰Walipokuja wa kwanza wakadhani, ya kuwa watapokea zaidi. Lakini nao wakapokea kila mtu shilingi.

¹¹Walipoipokea wakamnung'unikia mwenye nyumba[#Luk. 17:10.]

¹²wakisema: Hawa wa mwisho wamefanya kazi saa moja tu, nawe umewalinganisha na sisi tuliosumbuka kwa kazi na kwa jua kali mchana kutwa.

¹³Naye akamjibu mmoja wao akisema: Mwenzangu, sikukupunja, hukupatana nami kwa shilingi?

¹⁴Chukua iliyo yako, ujiendee! Huyu wa mwisho nataka kumpa kama wewe.

¹⁵Kumbe sina ruhusa ya kufanya na mali yangu mwenyewe, kama nitakavyo? Au jicho lako linakuwa baya, kwa sababu mimi ni mwema?[#Rom. 9:16-21.]

¹⁶Hivyo ndivyo, walio wa mwisho watakavyokuwa wa kwanza, nao walio wa kwanza watakuwa wa mwisho. Kwani waalikwao ni wengi, lakini wachaguliwao ni wachache tu.*[#Mat. 19:30; 22:14.]

Mwana wa mtu atateswa.

¹⁷Yesu alipotaka kupanda kwenda Yerusalemu akawachukua wale kumi na wawili, wawe peke yao. Akawaambia njiani:

¹⁸Tazameni tunapanda kwenda Yerusalemu. Huko Mwana wa mtu atatiwa mikononi mwao watambikaji wakuu na waandishi, nao watamhukumu, auawe;[#Mat. 16:21; 17:22-23.]

¹⁹kwa hiyo watamtia mikononi mwa wamizimu, wapate kumfyoza na kumpiga viboko na kumwamba msalabani. Naye siku ya tatu atafufuliwa.

Yakobo na Yohana.

²⁰Ndipo, alipomjia mama yao wana wa Zebedeo pamoja na wanawe, akamwangukia na kumwomba kitu.[#Mat. 10:2.]

²¹Alipomwuliza: Wataka nini? akamwambia: Sema, hawa wanangu wawili wakae katika ufalme wako mmoja kuumeni, mmoja kushotoni kwako![#Mat. 19:28.]

²²Yesu akajibu akisema: Hamjui mnaloliomba. Mwaweza kukinywa kinyweo, nitakachokinywa mimi? Walipomwambia: Twaweza,[#Mat. 26:39; Yoh. 18:11; Luk. 12:50.]

²³akawaambia: Kinyweo changu mtakinywa, lakini kumketisha mtu kuumeni na kushotoni kwangu hii si kazi yangu, ila hupewa walioandaliwa na Baba yangu.[#Tume. 12:2; Ufu. 1:9.]

²⁴Wenzao kumi walipoyasikia wakawakasirikia hao ndugu wawili.[#Luk. 22:24-26.]

²⁵Lakini Yesu akawaita, wamjongelee, akasema: Mnajua: wafalme wa mataifa huwatawala, nao wakubwa huwatumikisha kwa nguvu.

²⁶Kwenu ninyi visiwe hivyo ila mtu anayetaka kuwa mkubwa kwenu sharti awe mtumishi wenu![#Mat. 23:11; 1 Kor. 9:19.]

²⁷Naye anayetaka kuwa wa kwanza kwenu sharti awe mtumwa wenu![#Mar. 9:35.]

²⁸Kama Mwana wa mtu asivyokuja, atumikiwe, ila amekuja kutumika na kuitoa roho yake kuwa makombozi ya watu wengi.[#Luk. 22:27; Fil. 2:7; 1 Tim. 2:6; Ebr. 9:12-14.]

Vipofu wawili.

²⁹Walipokuwa wakotoka Yeriko, likamfuata kundi la watu wengi.

³⁰Ndipo, vipofu wawili waliokaa njani kando waliposikia, ya kuwa ni Yesu anayepita, wakapaza sauti wakisema: Bwana, mwana wa Dawidi, tuhurumie!

³¹Lakini watu wakawakaripia, wanyamaze. Lakini wao wakazidi kupaza sauti wakisema: Bwana, mwana wa Dawidi, tuhurumie!

³²Ndipo, Yesu aliposimama, akawaita, akasema: Mwataka, niwafanyie nini?

³³Wakamwambia: Bwana, twataka, macho yetu yafumbuke!

³⁴Yesu akawaonea uchungu, akawagusa macho yao. Mara wakapata kuona, wakamfuata.