Mpaka lini, Bwana?

¹Mpaka lini, Bwana, utanisahau kila mara? Mpaka lini utauficha uso wako, usinione?[#Sh. 77:8; Hab. 1:2.]

²Mpaka lini nitie wasiwasi rohoni mwangu na masikitiko moyoni mwangu kila siku? Mpaka lini ataniinukia mchukivu wangu?

³Nitazame, ukaniitikie, Bwana Mungu wangu! Yaangaze macho yangu, nisipatwe na usingizi uuao!

⁴Mchukivu wangu asiseme: Nimemshinda! Nao wanisongao wasishangilie, ya kuwa nimetikisika!

⁵Nami nimeuegemea upole wako; moyo wangu hushangilia, ya kuwa unaniokoa; nitamwimbia Bwana kwa ajili ya mema, aliyonitendea.[#Sh. 9:15.]