Wimbo wa jioni wa kumtegemea Mungu.

¹Ninapokulilia, niitikie, Mungu unipaye wongofu! Hunipatia mahali pakubwa, nikiwa nimesongwa; sasa nihurumie na kuyasikia maombo yangu!

²Ninyi wana wa watu mpendao mambo ya bure, mpaka lini mwanitia soni na kuninyima heshima, mpaka lini mtayanyatia yaliyo uwongo tu?

³Lakini tambueni, ya kuwa Bwana humkuza amchaye! Bwana hunisikia, kila ninapomlilia.[#Sh. 17:7.]

⁴Stukeni, msije kukosa! Semeni mioyoni mwenu, mnapolala, mpate kutulia![#Sh. 16:7; Ef. 4:26.]

⁵Tambikeni na kutoa vipaji vya tambiko vyenye wongofu, nanyi mpate kumwegemea aliye Bwana![#Sh. 51:19,21; 1 Petr. 2:5.]

⁶Wako wengi wanaosema kwamba: Yuko nani atakayetuonyesha kilicho chema? Bwana, utokeze mwanga wa uso wako, uwe juu yetu![#4 Mose 6:25-26.]

⁷Umenipa furaha moyoni mwangu ipitayo yao ya kufurikiwa na vyakula na vinywaji.

⁸Hivyo nitalala usingizi na kutengemana pia, kwani wewe ndiwe Bwana peke yako, unanipatia makao yasiyoshindika.[#Sh. 3:6; 3 Mose 26:6.]