Sala ya ukombozi

¹Katika shida yangu nilimlilia BWANA

Naye akaniitikia.

²Ee BWANA, uniponye

Na midomo ya uongo na ulimi wa hila.

³Akupe nini, akuzidishie nini,

Ewe ulimi wenye hila?

⁴Mishale ya mtu hodari iliyochongoka,

Pamoja na makaa ya mretemu.

⁵Ole wangu mimi![#Mwa 10:2; 1 Sam 25:1; Yer 49:28]

Kwa kuwa ni mgeni katika Mesheki;

Na kufanya makao yangu

Katikati ya hema za Kedari.

⁶Kwa muda mrefu nimeishi,

Pamoja na watu wanaoichukia amani.

⁷Mimi nazingatia amani;

Bali ninenapo, wao wanataka vita.