Nyumba ya mwumini yenye furaha

¹Heri kila mtu amchaye BWANA,

Aendaye katika njia yake.

²Taabu ya mikono yako hakika utaila;[#Isa 3:10]

Utakuwa heri, na kwako kwema.

³Mkeo atakuwa kama mzabibu uzaao,

Katika nyumba yako.

Wanao watakuwa kama miche ya mizeituni

Wakiizunguka meza yako.

⁴Tazama, atabarikiwa hivyo, yule amchaye BWANA.

⁵BWANA akubariki toka Sayuni;[#Zab 134:3]

Uone uheri wa Yerusalemu siku zote za maisha yako;

⁶Naam, ukawaone wana wa wanao.[#Mwa 50:23]

Amani ikae na Israeli.