Utawala wa Mungu juu ya mataifa

¹Enyi watu wote, pigeni makofi,

Mpigieni Mungu kelele kwa Sauti ya shangwe.

²Kwa kuwa BWANA Aliye Juu, mwenye kuogofya,[#Kum 7:21; Neh 1:5; Mal 1:14]

Ndiye mfalme mkuu juu ya dunia yote.

³Amewatiisha watu wa nchi chini yetu,[#Zab 18:47]

Na mataifa chini ya miguu yetu.

⁴Ametuchagulia urithi wetu,[#1 Pet 1:4]

Fahari ya Yakobo ampendaye.

⁵Mungu amepaa kwa kelele za shangwe,[#Zab 24:7-10; Mdo 1:9; Efe 4:8-10; 1 Tim 3:16]

BWANA kwa sauti ya baragumu.

⁶Mwimbieni Mungu sifa, imbeni sifa;

Imbeni sifa kwa mfalme wetu, imbeni sifa.

⁷Maana Mungu ndiye mfalme wa dunia yote,[#Zek 14:9; 1 Kor 14:15]

Imbeni kwa zaburi.

⁸Mungu ayatawala mataifa,

Mungu ameketi katika kiti chake kitakatifu.

⁹Wakuu wa watu wamekusanyika,

Kama watu wa Mungu wa Abrahamu.

Maana ngao za dunia zina Mungu,

Ametukuka sana.