Shukrani kwa wema aliotenda Mungu

¹Ee Mungu, tunakushukuru.

Tunakushukuru kwa kuwa Jina lako liko karibu;

Watu huyasimulia matendo yako ya ajabu.

²Nitakapoufikia wakati ulioamriwa,

Mimi nitahukumu hukumu za haki.

³Ingawa dunia na wote wakaao humo wataharuki,[#Ebr 1:3]

Mimi mwenyewe nimezisimamisha nguzo zake.

⁴Niliwaambia waliojivuna, Msijivune;

Na wasio haki, Msiiinue pembe.

⁵Msiiinue pembe yenu juu,

Wala msinene kwa shingo ya kiburi.

⁶Maana siko mashariki wala magharibi,

Wala nyikani itokako heshima.

⁷Bali Mungu ndiye ahukumuye;[#1 Sam 2:7; 2 Sam 5:2; Dan 2:21; Lk 1:52]

Humdhili huyu na kumwinua huyu.

⁸Maana mkononi mwa BWANA mna kikombe,[#Ayu 21:20; Yer 25:15; Ufu 14:10]

Na mvinyo yake inatoka povu;

Kumejaa machanganyiko;

Naye huyamimina.

Na sira zake wasio haki wa dunia

Watazifyonza na kuzinywa.

⁹Bali mimi nitatangaza matendo yako milele,

Nitamwimbia Mungu wa Yakobo.

¹⁰Nguvu zote za wasio haki nitazimaliza,

Lakini nguvu za mwenye haki nitaziimarisha.