Ombi la Mungu kwa Waisraeli wakaidi

¹Mwimbieni Mungu, nguvu zetu, nyimbo za furaha,

Mshangilieni Mungu wa Yakobo.

²Pazeni zaburi, pigeni matari,

Kinubi chenye sauti nzuri, na kinanda.

³Pigeni panda mwandamo wa mwezi,[#Hes 10:10]

Kukiwa na mbalamwezi, wakati wa sikukuu yetu.

⁴Kwa maana ni sheria kwa Israeli,[#Law 23:24; Hes 10:10]

Ni hukumu ya Mungu wa Yakobo.

⁵Aliamuru iwe ushuhuda katika Yusufu,

Alipoondoka juu ya nchi ya Misri;

Maneno yake nisiyemjua niliyasikia.

⁶Nimeutua mzigo begani mwake;

Mikono yake nikaiondolea kazi nzito.

⁷Katika shida uliniita nikakuokoa;[#Kut 17:7; Hes 20:13]

Nilikuitikia kutoka maficho yangu ya radi;

Nilikujaribu penye maji ya Meriba.

⁸Enyi watu wangu, sikieni, nami nitawaonya,

Ee Israeli, kama ukitaka kunisikiliza;

⁹Usiwe na mungu mgeni ndani yako;[#Kut 20:2-3; Kum 5:6-7]

Wala usimsujudie mungu mwingine.

¹⁰Mimi ndimi BWANA, Mungu wako,[#Zab 37:3; Yn 15:7]

Niliyekupandisha toka nchi ya Misri;

Fumbua sana kinywa chako nami nitakijaza.

¹¹Lakini watu wangu hawakuisikiliza sauti yangu,

Wala Israeli hawakunitaka.

¹²Nikawaacha wakaenda kwa ukaidi wa mioyo yao,[#Mdo 7:42; Rum 1:24]

Waenende katika mashauri yao.

¹³Laiti watu wangu wangenisikiliza,[#Kum 5:29; Isa 48:18; Yer 44:4,5; Mt 23:37]

Na Israeli angeenenda katika njia zangu;

¹⁴Ningewadhili adui zao kwa upesi,

Na juu ya watesi wao ningegeuza mkono wangu;

¹⁵Wamchukiao BWANA wangenyenyekea mbele zake,

Na maangamizi yao yangedumu milele.

¹⁶Naam, ningewalisha kwa ngano iliyo bora zaidi,

Ningewashibisha kwa asali itokayo mwambani.