Wimbo wa shukrani

¹Mshukuruni Mwenyezi-Mungu kwa kuwa ni mwema;[#Taz Zab 100:5; 106:1; 107:1; 118:1]

kwa maana fadhili zake zadumu milele.

²Mshukuruni Mungu wa miungu;

kwa maana fadhili zake zadumu milele.

³Mshukuruni Bwana wa mabwana;

kwa maana fadhili zake zadumu milele.

⁴Ndiye peke yake atendaye makuu ya ajabu;

kwa maana fadhili zake zadumu milele.

⁵Ndiye aliyeziumba mbingu kwa hekima;

kwa maana fadhili zake zadumu milele.

⁶Ndiye aliyeitengeneza nchi juu ya vilindi vya maji;

kwa maana fadhili zake zadumu milele.

⁷Ndiye aliyeumba jua, mwezi na nyota;

kwa maana fadhili zake zadumu milele.

⁸Jua liutawale mchana;

kwa maana fadhili zake zadumu milele.

⁹Mwezi na nyota vitawale usiku;

kwa maana fadhili zake zadumu milele.

¹⁰Ndiye aliyewaua wazaliwa wa kwanza wa Misri;

kwa maana fadhili zake zadumu milele.

¹¹Akawaondoa watu wa Israeli kutoka huko;

kwa maana fadhili zake zadumu milele.

¹²Kwa mkono wake wenye nguvu na enzi;

kwa maana fadhili zake zadumu milele.

¹³Ndiye aliyeigawa Bahari ya Shamu sehemu mbili;

kwa maana fadhili zake zadumu milele,

¹⁴akawapitisha watu wa Israeli humo;

kwa maana fadhili zake zadumu milele.

¹⁵Lakini akawazamisha humo Farao na jeshi lake;

kwa maana fadhili zake zadumu milele.

¹⁶Ndiye aliyewaongoza watu wake jangwani;

kwa maana fadhili zake zadumu milele.

¹⁷Ndiye aliyewapiga wafalme wenye nguvu;

kwa maana fadhili zake zadumu milele.

¹⁸Akawaua wafalme maarufu;

kwa maana fadhili zake zadumu milele;

¹⁹akamuua Sihoni, mfalme wa Waamori,

kwa maana fadhili zake zadumu milele;

²⁰na Ogu, mfalme wa Bashani;

kwa maana fadhili zake zadumu milele.

²¹Akachukua nchi zao akawapa watu wake;

kwa maana fadhili zake zadumu milele;

²²ziwe riziki ya Israeli, mtumishi wake;

kwa maana fadhili zake zadumu milele.

²³Ndiye aliyetukumbuka wakati wa unyonge wetu;

kwa maana fadhili zake zadumu milele;

²⁴akatuokoa kutoka maadui zetu;

kwa maana fadhili zake zadumu milele.

²⁵Ndiye akipaye kila kiumbe chenye uhai chakula;

kwa maana fadhili zake zadumu milele.

²⁶Mshukuruni Mungu wa mbinguni;

kwa maana fadhili zake zadumu milele!