Wimbo wa shukrani

¹Utuonee huruma, ee Mungu, utubariki;

utuelekezee uso wako kwa wema;

²dunia yote ipate kutambua njia yako,

mataifa yote yajue nguvu yako ya kuokoa.

³Watu wote wakutukuze, ee Mungu;

watu wote na wakusifu!

⁴Mataifa yote yafurahi na kuimba kwa furaha;

maana wawahukumu watu kwa haki,

na kuyaongoza mataifa duniani.

⁵Watu wote wakutukuze, ee Mungu;

watu wote na wakusifu!

⁶Nchi imetoa mazao yake;

Mungu, Mungu wetu, ametubariki.

⁷Mungu aendelee kutubariki.

Watu wote duniani na wamche.