Furaha zimekwisha, mapatilizo yako karibu.

¹Usifurahi, Isiraeli ukishangilia kama makabila mengine!

Kwani umefanya ugoni, ulipomwacha Mungu wako,

ukaupenda mshahara wa ugoni po pote, ngano zilipopurwa.

²Lakini wala purio la ngano wala kamulio la zabibu hayatawachunga,

nazo pombe zitawadanganya tu.

³Hawatakaa katika nchi ya Bwana, Efuraimu atarudi Misri,

nako Asuri watakula yenye uchafu.

⁴Hawatamtolea Bwana mvinyo za tambiko,

wala vipaji vyao vingine vya tambiko havitamfurahisha,

kwao wenyewe vitakuwa kama vilaji vya matanga,

wote watakaovila watajipatia uchafu,

kwani ni vilaji vyao vya kukomesha njaa tu,

haviingii Nyumbani mwa Bwana.

⁵Mtafanya nini, itakapokuwa siku ya mkutano au sikukuu ya Bwana?

⁶Kwani mtaona: waliokwenda zao kwa kukimbia maangamizo

Misri itawakusanya, namo Mofu (Memfisi) watawazika,

mapambo yao mazuri ya fedha yatatwaliwa na viwawi,

mangugi nayo yatakuwa mahemani mwao.

⁷Siku za mapatilizo zitafika! Siku za malipizi zitafika!

Ndipo, Waisiraeli watakapojua, kama mfumbuaji ni mpumbavu,

kama mtu wa kiroho ni mwenye wazimu,

kwani manza, ulizozikora, ni nyingi, nao upingani wako ni mwingi.

⁸Efuraimu ananivizia, Mungu wangu alipo,

tanzi la mtega ndege mfumbuaji huliona katika njia zake

zote,

ndio upingani uliomo nyumbani mwa mungu wake.

⁹Wamejitosa katika matendo mabaya kama siku zile za

Gibea;

atazikumbuka manza zao, atayapatiliza makosa yao.

¹⁰nilipomvumbua Isiraeli, alikuwa kama zabibu nyikani;

kama lilivyo tunda la limbuko la mkuyu unaoanza kuzaa,

ndivyo, baba zenu walivyokuwa nilipowaona;

lakini walipomfikia Baali-Peori,

wakajitenga kwangu, watumikie mambo yenye soni,

wakawa matapisho kama hayo mambo, waliyoyapenda.

¹¹Utukufu wao wa Efuraimu utatoweka kwa kuruka kama

ndege,

kwa kuwa hapatakuwako atakayezaa

wala mwenye mimba wala atakayepata mimba.

¹²Ijapo wawakuze wana wao, na niwanyang'anye hao wana

wao,

asisalie hata mtu mmoja atakayekuwapo.

Nao wenyewe wataona mambo, nitakapoondoka kwao.

¹³Nilipomwona Efuraimu, alikuwa amepandwa pazuri

paelekeapo Tiro,

lakini Efuraimu naye hana budi kumtolea muuaji watoto

wake.

¹⁴Nikisema: Bwana, wape! utawapa nini?

Wape matumbo yasiyozaa na maziwa yaliyokauka!

¹⁵Ubaya wao wote ulitimia Gilgali; ndiko, nilikochukizwa

nao;

kwa huo ubaya wa matendo yao nitawafukuza Nyumbani

mwangu,

sitaendelea kuwapenda, wakuu wao wote hukataa kutii.

¹⁶Efuraimu alipopigwa, mizizi yao ikanyauka, hawatazaa tena;

ijapo wazae, nitawaua nao wapendwa wao, matumbo yao yaliowazaa.

¹⁷Mungu wangu atawatupa, kwani hawakumsikia;

ndipo, watakapokuwa wakitangatanga kwa mataifa.