Kumtumainia Mungu kwa utulivu

¹BWANA, moyo wangu hauna kiburi,[#Rum 12:16]

Wala macho yangu hayainuki.

Wala sijishughulishi na mambo makuu,

Wala mambo yanayozidi nguvu zangu.

²Hakika nimeituliza nafsi yangu,[#Mt 18:3]

Na kuinyamazisha.

Kama mtoto aliyeachishwa kunyonya

Kifuani mwa mama yake;

Roho yangu ni kama mtoto,

Aliyeachishwa kunyonya.

³Ee Israeli, umtarajie BWANA,

Tangu leo na hata milele.