Ukuu wa enzi ya Mungu

¹BWANA ametamalaki, amejivika adhama,[#Isa 52:7; Ufu 19:6; Ayu 40:10; Zab 104:1; Isa 59:17]

BWANA amejivika, ukuu na nguvu, kama mavazi ya kifalme.

Naam, ulimwengu umethibitika usitikisike;

²Kiti chako kimekuwa thabiti tokea zamani;[#Mit 8:22]

Wewe ndiwe uliye tangu milele.

³Ee BWANA, mito imepaza,

Mito imepaza sauti zake,

Mito imepaza uvumi wake.

⁴Kupita sauti ya maji mengi, maji makuu,[#Zab 29:10]

Kupita mawimbi ya bahari yaumkayo,

BWANA Aliye Juu ndiye mwenye ukuu.

⁵Shuhuda zako ni amini sana;

Utakatifu ndio uifaao nyumba yako,

Ee BWANA, milele na milele.