Mungu mchungaji wangu

¹Mwenyezi-Mungu ni mchungaji wangu,[#23:1 Picha ya Mungu kama mchungaji ni picha inayotokana na picha nyingine katika mazingira ya Waisraeli kwamba Mungu ni mfalme, na kama mfalme mojawapo ya majukumu yake makuu ni yale ya kuwahifadhi, kuwalinda na kuwalisha watu wake (Eze 34:1-23). Katika A.J. Yesu alijionesha dhahiri kabisa kuwa ni mchungaji wa watu wake (Yoh 10:11,14).]

sitapungukiwa na kitu.

²Hunipumzisha kwenye malisho mabichi;

huniongoza kando ya maji matulivu,

³na kuirudishia nafsi yangu nguvu mpya.

Huniongoza katika njia sawa

kwa hisani yake.

⁴Nijapopita katika bonde la giza kuu la kifo,

sitaogopa hatari yoyote,

maana wewe ee Mwenyezi-Mungu u pamoja nami;

gongo lako na fimbo yako vyanilinda.

⁵Umeniandalia karamu mbele ya maadui zangu;

umenipaka mafuta kichwani pangu;

kikombe changu umekijaza mpaka kufurika.

⁶Kweli wema wako na fadhili zako zitakuwa pamoja nami,

siku zote za maisha yangu;

nami nitakaa nyumbani mwa Mwenyezi-Mungu milele.