Bwana amtokea Sulemani

¹Sulemani alipomaliza kujenga Hekalu la Bwana na jumba la kifalme, na alipokwisha kufanya yote aliyotaka kufanya,

²Bwana akamtokea mara ya pili, vile alivyomtokea huko Gibeoni.

³Bwana akamwambia:

Shughuli nyingine za Sulemani

¹⁰Miaka ishirini ilipopita, muda ambao Sulemani alijenga majengo haya mawili, yaani Hekalu la Bwana na jumba la kifalme,

¹¹Mfalme Sulemani akampa Hiramu mfalme wa Tiro miji ishirini katika Galilaya, kwa sababu Hiramu alikuwa amempatia mierezi na misunobari yote na dhahabu yote kama alivyohitaji.

¹²Lakini Hiramu alipotoka Tiro kwenda kuiona ile miji ambayo Sulemani alikuwa amempa, hakupendezwa nayo.

¹³Hiramu akauliza, “Hii ni miji ya namna gani uliyonipa, ndugu yangu?”

Naye akaiita nchi ya Kabul, jina lililoko hadi leo.

¹⁴Basi Hiramu alikuwa amempelekea mfalme talanta mia moja na ishirini za dhahabu.[#9:14 Talanta 120 za dhahabu ni sawa na tani 4.5.]

¹⁵Haya ni maelezo kuhusu kazi za kulazimishwa ambazo Mfalme Sulemani aliwafanyiza watu ili kulijenga Hekalu la Bwana , na jumba lake la kifalme, na Milo, ukuta wa Yerusalemu, Hazori, Megido na Gezeri.[#9:15 maana yake Boma la Ngome ; pia 9:24]

¹⁶(Farao mfalme wa Misri alikuwa ameushambulia na kuuteka mji wa Gezeri. Alikuwa ameuchoma moto. Akawaua Wakanaani waliokuwa wakikaa humo na kisha kuutoa kwa binti yake, yaani mkewe Sulemani, kama zawadi ya arusi.

¹⁷Sulemani akaujenga tena Gezeri.) Akajenga Beth-Horoni ya Chini,

¹⁸akajenga Baalathi na Tamari kwenye jangwa katika eneo la nchi yake.

¹⁹Vilevile, alijenga miji ya ghala na ya magari yake ya vita na kwa ajili ya farasi wake na wapanda farasi: alijenga kila alichotaka katika Yerusalemu, katika Lebanoni, na katika eneo lote alilotawala.

²⁰Watu wote waliosalia miongoni mwa Waamori, Wahiti, Waperizi, Wahivi, na Wayebusi (watu wasiokuwa Waisraeli),

²¹yaani, wazao wao waliobakia katika nchi, ambao Waisraeli hawakuwaangamiza kabisa, Sulemani akawalazimisha kuwa shokoa, kama ilivyo hadi leo.

²²Lakini Sulemani hakumfanya Mwisraeli yeyote kuwa mtumwa; hao ndio walikuwa wapiganaji wake, viongozi wa serikali yake, maafisa wake, wakuu wake wa jeshi, majemadari wa magari yake ya vita, na wapanda farasi wake.

²³Pia walikuwa maafisa wakuu wasimamizi wa miradi ya Sulemani: maafisa mia tano na hamsini waliwasimamia watu waliofanya kazi.

²⁴Baada ya binti Farao kuja kutoka Mji wa Daudi na kuingia jumba la kifalme ambalo Sulemani alikuwa amemjengea, Sulemani akajenga Milo.

²⁵Sulemani akatoa dhabihu za kuteketezwa na sadaka za amani mara tatu kwa mwaka juu ya madhabahu aliyokuwa amemjengea Bwana . Pamoja na hizo dhabihu, akafukiza uvumba mbele za Bwana , hivyo kutimiza kanuni za Hekalu.

²⁶Mfalme Sulemani pia akatengeneza meli huko Esion-Geberi, iliyo karibu na Elathi katika Edomu, kwenye ukingo wa Bahari ya Shamu.[#9:26 yaani Bahari Nyekundu au Bahari ya Mafunjo]

²⁷Naye Hiramu akawatuma watu wake; mabaharia walioijua bahari, kuhudumu katika hizo meli pamoja na watu wa Sulemani.

²⁸Wakasafiri kwa bahari hadi Ofiri na kurudi na talanta mia nne na ishirini (420) za dhahabu, ambazo walimkabidhi Mfalme Sulemani.[#9:28 Talanta 420 za dhahabu ni sawa na tani 14.]