Uhamisho wa mfalme nao wao wote waliomo Yerusalemu uko karibu.

¹Neno la Bwana likanijia la kwamba:[#Yes. 6:9-10.]

²Mwana wa mtu unakaa katikati ya mlango mkatavu, wako na macho yaonayo, lakini hawaoni, wako na masikio yasikiayo, lakini hawasikii, kwani hawa ndio mlango mkatavu.

³Basi, wewe mwana wa mtu, jifanyizie vyombo vya kuhama navyo! Kisha hama mchana machoni pao, ukuhama mahali pako na kuhamia pengine machoni pao, labda wataona, ya kuwa ndio mlango mkatavu.

⁴Navyo vyombo vyako utavitoa nyumbani mchana machoni pao, kama ni vyombo vya kuhama navyo, nawe utatoka nyumbani jioni machoni pao, kama watu wanavyotoka mwao wakitaka kuhama.

⁵Machoni pao bomoa bomani kwa mji, pawe tundu, ndipo uvitolee vyombo vyako!

⁶Machoni pao uviweke begani, uvitoe, giza ikiwa kuu! Nao uso wako uufunike, usiione nchi! Kwani nimekuweka kuwa kielekezo cha mlango wa Isiraeli.[#Ez. 24:24,27.]

⁷Nikafanya hivyo, nilivyoagizwa: vyombo vyangu nikavitoa mchana, kama ni vyombo vya kuhama navyo, kisha nikajibomolea kwa mikono tundu bomani kwa mji, nikavitoa, giza ilipokuwa kuu, nikiviweka begani machoni pao.

⁸Asubuhi neno la Bwana likanijia la kwamba:

⁹Mwana wa mtu, wao wa mlango wa Isiraeli walio mlango mkatavu hawakukuuliza: Wewe unafanya nini?

¹⁰Waambie: Hivi ndivyo, Bwana Mungu anavyosema: Tamko hili zito ni la mkuu wa Yerusalemu, tena la mlango wote wa Isiraeli uliomo humu mjini.

¹¹Sema: Mimi ni kielekezo chenu; kama mimi nilivyofanya, ndivyo, nao watakavyofanyiziwa, watahamishwa kwenda kifungoni.[#Ez. 12:6.]

¹²Naye mkuu aliomo mwao mjini atavichukua vyombo vyake begani, giza ikiwa kuu, akitoka katika tundu la bomani kwa mji, walilombomolea, wapate kumtoa hapohapo; uso wake utaufunika, kusudi asiione nchi kwa macho yake.[#Yer. 39:7.]

¹³Nami nitamtegea wavu wangu, anaswe katika tanzi langu; kisha nitampeleka Babeli katika nchi ya Wakasidi, lakini hataiona; nako ndiko, atakakokufa.[#Ez. 17:20; 32:3-6.]

¹⁴Nao wote wamzungukao kuwa wasaidiaji wake nao wa vikosi vyake vyote nitawatupatupa pande zote za upepo, nazo panga nitazichomoa, ziwafuate nyuma.

¹⁵Ndipo, watakapojua, ya kuwa mimi ni Bwana, nitakapowatupatupa kwenye wamizimu na kuwatawanya katika nchi hizo.

¹⁶Lakini nitasaza kwao wachache wanaohesabika, wasiuawe na panga, wala na njaa, wala na magonjwa mabaya, wapate kuyasimulia machukizo yao yote kwenye wamizimu, watakakopelekwa, nao wajue, ya kuwa mimi ni Bwana.[#Ez. 6:8.]

¹⁷Neno la Bwana likanijia la kwamba:

¹⁸Mwana wa mtu, sharti ukile chakula chako kwa kutetemeka! Nayo maji yako sharti uyanywe kwa kustuka na kwa kuyahangaikia.

¹⁹Kisha waambie watu wa nchi hii: Hivi ndivyo, Bwana Mungu anavyowaambia wakaao Yerusalemu katika nchi ya Isiraeli: Vyakula vyenu mtavila na kuvihangaikia, nayo maji yenu mtayanywa kwa kupigwa na bumbuazi, kwani nchi yao itaangamia, yote yaliyojaa mle yakipotea kwa ajili ya ukorofi wao wote waliokaa huko.

²⁰Nayo miji inayokaa watu itabomolewa, nchi hii iwe peke yake tu; ndipo, mtakapojua, ya kuwa mimi ni Bwana.

²¹Neno la Bwana likanijia la kwamba:

²²Mwana wa mtu, ni fumbo gani hili lililoko kwenu katika nchi ya Isiraeli la kusema: Siku hukawia, nayo maono yote hupotea?[#2 Petr. 3:4.]

²³Kwa hiyo waambie: Hivi ndivyo, Bwana Mungu anavyosema: Nitalikomesha fumbo hilo, wasilitumie tena kwao Waisiraeli; kwa hiyo waambie: Siku hizo ziko karibu kweli, maono yote yatimie.[#Hab. 2:3.]

²⁴Kwani hakuna tena ono lo lote litakalokuwa la bure, wala ufumbuaji wa kupendeza watu tu kwao wa mlango wa Isiraeli.

²⁵Kwani mimi Bwana nitasema, nayo nitakayoyasema yatafanyizwa pasipo kukawia kabisa, kwani katika hizi siku zenu, mngalipo bado, ninyi mlio mlango mkatavu, nitasema neno, kisha nitalifanya! Ndivyo, asemavyo Bwana Mungu.

²⁶Neno la Bwana likanijia la kwamba:

²⁷Mwana wa mtu, tazama, wao wa mlango wa Isiraeli husema: Ono, analoliona yeye, ni la siku nyingi, nayo maneno, anayoyasema yeye, wakati wao wa kutimia uko mbali.

²⁸Kwa hiyo waambie: Hivi ndivyo, Bwana Mungu anavyosema: Maneno yangu yote yahatakawia tena; neno, nitakalolisema, litafanyizwa; ndivyo, asemavyo Bwana Mungu.