Mabaya ya wenye mali.

¹Sasa tusemeane nanyi wenye mali: Lieni na kuyaombolezea mahangaiko yenu yatakayowapata![#Luk. 6:24; 12:15.]

²Mali zenu zimeoza, nguo zenu zimeliwa na mende.[#Mat. 6:19.]

³Dhahabu zenu na fedha zenu zimeingiwa na kutu, nazo kutu zao zitawasuta, zitawala nyama za miili yenu kama moto. Mmelimbika mali nyingi siku hizi za mwisho.

⁴Angalieni, malipo, mliyowanyima wakulima wa mashambani kwenu, yanalia, nayo malalamiko ya wavunaji yamefika masikioni mwa Bwana Mwenye vikosi.[#5 Mose 24:14-15.]

⁵Mmeyala mazuri yaliyoko nchini na kutapanya mali. Mioyo yenu mmeinonesha siku za kuchinja nyama.[#Yer. 12:3; 25:34; Luk. 16:19,25.]

⁶Mwongofu mmemhukumu, mkamwua; naye hakuwabishia.[#Yak. 2:6.]

Vumilieni!

⁷Ndugu, vumilieni, mpaka Bwana atakaporudi! Tazameni, mkulima anavyoyangoja mazao ya nchi, maana ni yenye kima! Huvumilia mpaka apate mvua ya vuli nayo ya masika.[#Luk. 21:19; Ebr. 10:36.]

⁸Vumilieni nanyi, mwitie mioyo yenu nguvu! Kwani kurudi kwake Bwana kumekaribia.

⁹Ndugu, msinung'unikiane ninyi kwa ninyi, msipate kuhukumiwa! Tazameni, mhukumu amesimama milangoni mwenu!

¹⁰Ndugu, wafumbuaji waliosema kwa nguvu ya Jina la Bwana washikeni kuwa vielezo vya kujifunzia kuteseka vibaya na kuvumilia![#Mat. 5:12.]

¹¹Tazameni, twawatazamia wavumiliao kuwa wenye shangwe! Mmesikia, Iyobu alivyovumilia, nao mwisho wa Bwana mmeuona, kwani Bwana huonea wengi uchungu na upole.[#Iy. 1:21-22; 42:1-16.]

Tusiape!

¹²Ndugu zangu, nilitakalo sana, ni hili la kwamba: Msiape! Msiape na kutaja wala mbingu wala nchi wala kiapo kingine cho chote! Mkisema: Ndio, iwe ndio kweli. Tena mkisema: Sio, iwe sio kweli, kwamba msitumbukie hukumuni![#Mat. 5:34-37.]

Nguvu ya kuomba.

¹³*Kwenu kama yuko mwenye kuteseka, na amwombe Mungu! Kama yuko mwenye kutulia, na aimbe nyimbo![#Sh. 50:15; Kol. 3:16.]

¹⁴Kama yuko mwenye kuugua, na awaite wazee wa wateule, wamwombee, tena wampake mafuta katika Jina la Bwana![#Mar. 6:13;; Luk. 10:34.]

¹⁵Wakimwombea kwa kumtegemea Mungu, vitamwokoa yule mgonjwa, naye Bwana atamwinua tena; kama yuko na makosa, aliyoyafanya, ataondolewa.[#Mar. 16:18.]

¹⁶Jiungamianeni makosa ninyi kwa ninyi na kuombeana, mpate kupona! Kuomba kwake mwongofu kuko na nguvu nyingi kukiwa kwa kweli.

¹⁷Elia alikuwa mtu aliyeteseka kama sisi; naye alipomwomba Mungu, mvua isinye, ndipo, mvua ilipoacha kunya nchini miaka mitatu na miezi sita.[#1 Fal. 17:1; Luk. 4:25.]

¹⁸Alipoomba tena, ndipo, mbingu ziliponyesha mvua, nayo nchi ikayachipuza mazao yake.[#1 Fal. 18:42.]

¹⁹Ndugu zangu, kama kwenu yuko aliyepotea na kuyaacha yaliyo ya kweli, tena mwingine akimrudisha,[#Gal. 6:1.]

²⁰tambueni: mwenye kurudisha mkosaji, aiache ilenjia yake ya upotevu, huiokoa roho yake kufani na kufunika makosa mengi!*[#Sh. 51:15; Fano. 10:12; 1 Petr. 4:8.]