Yerusalemu ulio peke yake unatafuta mtuliza moyo.

¹Kumbe uliokuwa mji wenye watu wengi unakaa peke yake!

Uliokuwa mkuu katika wamizimu ukawa kama mjane! Uliokuwa

mfalme wa kike wa miji unatumikishwa!

²Unalia usiku kucha, machozi yake yako mashavuni pake!

Hakuna autulizaye moyo kwao wote walioupenda,

wenziwe wote wakauacha kwa udanganyifu, wakawa adui zake.

³Wayuda wametekwa, wakapatwa na wasiwasi na utumishi

mwingi;

wanakaa kwenye wamizimu pasipo kuona kituo,

wote waliowakimbiza wakawapatia mahali pa kubanana.

⁴Njia za Sioni zinasikitika, kwani hakuna wajao kula

sikukuu,

malango yake yote yako peke yao, watambikaji wake

wanapiga kite,

wanawali wake wametiwa majonzi, nao wanayaona kuwa

machungu.

⁵Wausongao wako juu, adui zake wanafanikiwa,

kwani Bwana ameutia majonzi kwa ajili ya mapotovu yake

mengi,

wachanga wake wakatekwa na kuhamishwa mbele yao

wawasongao.

⁶Utukufu wake wote umemtoka yeye binti Sioni,

wakuu wake wakawa kama kulungu wasioona malisho,

wakaenda pasipo nguvu mbele yao wawakimbizao.

⁷Siku hizi za ukiwa na za kutangatanga Yerusalemu

unayakumbuka mema yake yote yaliyoupendeza, ambayo ulikuwa

nayo siku za kale.

Watu wake walipotiwa mkononi mwake aliyewasonga,

mwenye kuwasaidia hakuwako kabisa;

waliowasonga walipoviona, wakacheka, jinsi

walivyokomeshwa

⁸Yerusalemu umekosa kweli, kwa hiyo ukawa tapisho,

wote walioutukuza wakaubeza, kwani waliuona, ulipokuwa

uchi,

nao unapiga kite kwa kurudi nyuma.

⁹Uchafu wake umezishika nguo zake ndefu,

haukukumbuka mwisho kama huu;

hivyo ulivyobwagwa chini unastaajaabisha,

tena hakuna anayeutuliza moyo.

E Bwana, utazame ukiwa wangu! Kwani adui wanajikuza.

¹⁰Mwenye kuusonga ameukunjua mkono wake,

ayachukue mema yake yote yapendezayo;

kwani aliona wamizimu, wakipaingia Patakatifu pake,

nawe uliwakataza, wasipaingie penye mkutano wako!

¹¹Watu wake wote wanapiga kite wakitafuta chakula,

mema yao yapendezayo wanayanunua vilaji vya kujirudisha

uzimani.

Tazama, Bwana, uone, ya kuwa ninawaziwa kuwa si kitu!

¹²Je? Ninyi nyote mpitao njia, haviingii mioyoni mwenu?

Chungulieni, mwone, kama yako maumivu

yaliyo sawa nayo yangu yaliyonipata mimi,

maana nimetiwa majonzi na Bwana, makali yalipomwaka

moto.

¹³Toka juu akatuma moto kuiingia mifupa yangu, nao

ukaishinda;

miguu yangu akaitegea tanzi, akanirudisha nyuma,

akanipa kuwa peke yangu, kwa hiyo ninaugua mchana kutwa.

¹⁴Mzigo wa mapotovu yangu ukafungwa kwa mkono wake,

yaliposhikamana yakawekwa shingoni pangu;

ndivyo, alivyozivunja nguvu zangu.

Bwana akanitia mikononi mwao, ambao siwezi kuwainukia.

¹⁵Wanguvu wangu Bwana akawatupa wote, waondoke kwangu;

akaita wengi, wanikusanyikie wawaponde wavulana wangu,

mwanamwali binti Yuda Bwana akamkanyaga kamulioni.

¹⁶Kwa hiyo ninalia machozi, macho yangu mawili

hutiririka maji,

kwani mtuza moyo anikalia mbali, ndiye awezaye kuirudisha

roho yangu.

Watoto wangu wameachwa peke yao, kwani adui wanazidi

nguvu.

¹⁷Sioni unainyosha mikono yake, lakini hakuna

anayeutuliza moyo

Bwana amewaagiza wamzungukao Yakobo, wamsonge tu;

ndipo, Yerusalemu ulipowaziwa kwao kuwa si kitu.

¹⁸Lakini Bwana ni mwongofu, kwani nalikiinukia kinywa

chake.

Yasikieni, ninyi makabila yote, kayatazameni maumivu

yangu!

Wavulana na wasichana wangu wametekwa na kuhamishwa!

¹⁹Nikawaita walionipenda, lakini wakanidanganya.

Watambikaji na wazee wangu wamezimia mijini

walipojitafutia vyakula, wazirudishe roho zao.

²⁰Tazama, Bwana! Kwani nimesongeka: matumbo yangu

yamechafuka,

moyo wangu nao humu kifuani umepinduliwa,

kwa kuwa nalikataa kukutii kabisa.

Nje upanga unawaua watoto, nyumbani huwa kama mwake

kifo.

²¹Wakasikia, nilivyougua, lakini hakuna anitulizaye

moyo,

adui zangu wote walipoyasikia mabaya yaliyonipata,

wakayafurahia, ya kuwa ndiyo, uliyoyafanya wewe.

Utaileta ile siku, uliyoitangaza, ndipo, watakapokuwa

kama mimi.

²²Mabaya yao yote na yatokee usoni pako,

uwafanyizie, kama ulivyonifanyizia kwa ajili ya mapotovu

yangu yote!

Kwani kupiga kite kwangu ni kwingi, nao moyo wangu huugua

tu.