Matengenezo ya makambi.

¹Bwana akamwambia Mose na Haroni kwamba:[#4 Mose 1.]

²Wana wa Isiraeli na wapige makambi yao kila mtu penye bendera yake, vielekezo vya mlango wa baba zao vilipo; nayo makambi, watakayoyapiga, sharti yalielekee Hema la Mkutano na kulizunguka.

³Watakaopiga makambi upande wa mashariki wa maawioni kwa jua ndio hawa: bendera ya makambi ya vikosi vyake Yuda iwe huko kwa mkuu wa wana wa Yuda. Nasoni, mwana wa Aminadabu;

⁴vikosi vyake jumla yao ni watu 74600.

⁵Watakaopiga makambi kando yake ndio wao wa shina la Isakari, naye mkuu wa wana wa Isakari ni Netaneli, mwana wa Suari.

⁶Vikosi vyake jumla yao ni watu 54400.

⁷Tena wao wa shina la Zebuluni, naye mkuu wa wana wa Zebuluni ni Eliabu, mwana wa Heloni.

⁸Vikosi vyake jumla yao ni watu 57400.

⁹Jumla yao wote watakaokuwa makambini kwa Yuda ni watu 186400 kwa vikosi vyao, nao ndio wa kwanza watakaoondoka.

¹⁰Upande wa kusini itakuwako bendera ya makambi ya vikosi vya Rubeni, naye mkuu wa wana wa Rubeni ni Elisuri, mwana wa Sedeuri.

¹¹Vikosi vyake jumla yao ni watu 46500.

¹²Watakaopiga makambi kando yake ndio wao wa shina la Simeoni, naye mkuu wao wana wa Simeoni ni Selumieli, mwana wa Surisadai.

¹³Vikosi vyake jumla yao ni watu 59300.

¹⁴Tena wao wa shina la Gadi, naye mkuu wa wana wa Gadi ni Eliasafu, mwana wa Reueli.

¹⁵Vikosi vyake jumla yao ni watu 45650.

¹⁶Jumla yao wote watakaokuwa makambini kwa Rubeni ni watu 151450 kwa vikosi vyao, nao ndio wa pili watakaoondoka.

¹⁷Kisha Hema la Mkutano na liondoke pamoja nao wakaao makambini kwa Walawi, liwe katikati ya makambi; kama walivyopanga makambini ndivyo waondoke kwenda kusafiri, kila mtu mahali pake penye bendera ya kwao.

¹⁸Upande wa baharini itakuwako bendera ya makambi ya vikosi vya Efuraimu, naye mkuu wa wana wa Efuraimu ni Elisama, mwana wa Amihudi.

¹⁹Vikosi vyake jumla yao ni watu 40500.

²⁰Kando yake watakuwako wao wa shina la Manase, naye mkuu wa wana wa Manase ni Gamulieli, mwana wa Pedasuri.

²¹Vikosi vyake jumla yao ni watu 32200.

²²Tena wao wa shina la Benyamini, naye mkuu wa wana wa Benyamini ni Abidani, mwana wa Gideoni.

²³Vikosi vyake jumla yao ni watu 35400.

²⁴Jumla yao wote watakaokuwa makambini kwa Efuraimu ni watu 108100 kwa vikosi vyao, nao ndio wa tatu watakaoondoka.

²⁵Upande wa kaskazini itakuwako bendera ya makambi ya vikosi vya Dani, naye mkuu wa wana wa Dani ni Ahiezeri, mwana wa Amisadai.

²⁶Vikosi vyake jumla yao ni watu 62700.

²⁷Watakaopiga makambi yao kando yake ni wao wa shina la Aseri, naye mkuu wa wana wa Aseri ni Pagieli, mwana wa Okrani.

²⁸Vikosi vyake ni watu 41500.

²⁹Tena wao wa shina la Nafutali, naye mkuu wa wana wa Nafutali ni Ahira, mwana wa Enani.

³⁰Vikosi vyake jumala yao ni watu 53400.

³¹Jumla yao wote watakaokuwa makambini kwa Dani ni watu 157600, nao ndio wa mwisho watakaoondoka wakizifuata bendera zao.

³²Hii ndiyo jumla yao wana wa Isiraeli wa milango ya baba zao. Wote waliohesabiwa makambini kwa vikosi vyao jumla yao walikuwa watu 603550.[#4 Mose 1:46.]

³³Lakini Walawi hawakuhesabiwa kwao wana wa Isiraeli, kama Bwana alivyomwagiza Mose.[#4 Mose 1:48-49.]

³⁴Wana wa Isiraeli wakayafanya yote; kama Bwana alivyomwagiza Mose, ndivyo, walivyoyapiga makambi yao penye bendera zao, tena ndivyo, walivyoondoka kwenda kusafiri kila mtu na ndugu zake penye milango ya baba zao.[#4 Mose 2:2.]