Makambi ya Waisiraeli.

¹Hizi ndizo safari za wana wa Isiraeli, vikosi vyao vilipotoka katika nchi ya Misri, wakiongozwa na Mose na Haroni.

²Mose akaziandika hizo safari zao, kama walivyotoka na kuondoka kwa kuagizwa na Bwana, nayo haya ndiyo matuo yao, walipoondoka kwendelea katika safari zao:

³siku ya kumi na tano ya mwezi wa kwanza, ndiyo siku ya pili ya Pasaka, ndipo, wana wa Isiraeli walipoondoka Ramusesi machoni pao Wamisri wote kwa nguvu za mkono uliotoka juu.[#2 Mose 1:11; 14:8.]

⁴Nao Wamisri walikuwa wakiwazika wana wao wote wa kwanza, Bwana aliowapiga kwao, kwani Bwana aliihukumu miungu yao.[#2 Mose 12:12.]

⁵Wana wa Isiraeli walipoondoka Ramusesi wakapiga makambi Sukoti.[#2 Mose 12:37.]

⁶Walipoondoka sukoti wakapiga makambi Etamu ulioko kwenye mapeo ya nyika.[#2 Mose 13:20.]

⁷Walipoondoka Etamu wakarudi Pi-Hahiroti unaoelekea Baali-Sefoni, wakapiga makambi mbele ya Migidoli.[#2 Mose 14:2.]

⁸Walipoondoka mbele yake Hahiroti wakapita katikati ya bahari, wakaingia nyikani; walipokwenda safari ya siku tatu katika nyika ya Etamu wakapiga makambi Mara.[#2 Mose 14:22; 15:23.]

⁹Walipoondoka Mara wakafika Elimu; nako huko Elimu kulikuwa na visima vya maji 12 na mitende 70; kwa hiyo walipiga makambi huko.[#2 Mose 15:27.]

¹⁰Waalipondoka Elimu wakapiga makambi kwenye Bahari Nyekundu.

¹¹Walipoondoka kwenye Bahari Nyekundu wakapiga makambi nyikani kwa Sini.[#2 Mose 16:1.]

¹²Walipoondoka nyikani kwa Sini wakapiga makambi Dofuka.

¹³Walipoondoka Dofuka wakapiga makambi Alusi.

¹⁴Walipoondoka Alusi wakapiga makambi Refidimu; huko ndiko, watu walikokosa maji ya kunywa.[#2 Mose 17:1.]

¹⁵Walipoondoka Refidumu wakapiga makambi nyikani kwa Sinai.[#2 Mose 19:1.]

¹⁶Walipoondoka nyikani kwa Sinai wakapiga makambi kwenye Makaburi ya Uchu.[#4 Mose 11:34.]

¹⁷Walipoondoka kwenye Makaburi ya Uchu, wakapiga makambi Haseroti.[#4 Mose 11:35.]

¹⁸Walipoondoka Haseroti wakapiga makambi Ritima.[#4 Mose 12:16.]

¹⁹Walipoondoka Ritima wakapiga makambi Rimoni-Peresi.

²⁰Walipoondoka Rimoni-Peresi wakapiga makambi Libuna.

²¹Walipoondoka Libuna wakapiga makambi Risa.

²²Walipoondoka Risa wakapiga makambi Kehelata.

²³Walipoondoka Kehelata wakapiga makambi mlimani kwa Seferi.

²⁴Walipoondoka mlimani kwa Seferi wakapiga makambi Harada.

²⁵Walipoondoka harada wakapiga makambi Makeloti.

²⁶Walipoondoka Makeloti wakapiga makambi Tahati.

²⁷Walipoondoka Tahati wakapiga makambi Tara.

²⁸Walipoondoka Tara wakapiga makambi Mitika.

²⁹Walipoondoka Mitika wakapiga makambi Hasimona.

³⁰Walipoondoka Hasimona wakapiga makambi Moseroti.

³¹Walipoondoka Moseroti wakapiga makambi kwa wana wa Yakani.[#5 Mose 10:6.]

³²Walipoondoka kwa wana wa Yakani wakapiga makambi Hori-Hagidigadi.

³³Walipoondoka Hori-Hagidigadi wakapiga makambi Yotibata.[#5 Mose 10:7.]

³⁴Walipoondoka Yotibata wakapiga makambi Aburona.

³⁵Walipoondoka Aburona wakapiga makambi Esioni-Geberi.[#4 Mose 20:1.]

³⁶Walipoondoka Esioni-Geberi wakapiga makambi nyikani kwa Sini, ndio Kadesi.

³⁷Walipoondoka Kadesi wakapiga makambi mlimani kwa Hori kwenye mwisho wa nchi ya Edomu.[#4 Mose 20:22-29.]

³⁸Ndipo, mtambikaji Haroni alipopanda mlimani kwa Hori kwa kuagizwa na Bwana, akafa huko siku ya kwanza ya mwezi wa tano katika mwaka wa arobaini tangu hapo, wana wa Isiraeli walipotoka katika nchi ya Misri;

³⁹naye alikuwa mwenye miaka 123, alipokufa mlimani kwa Hori.

⁴⁰Ndipo, Aradi, mfalme wa Kanaani, aliposikia, ya kuwa wana wa Isiraeli wanakuja; maana alikaa upande wa kusini wa nchi ya Kanaani.[#4 Mose 21:1.]

⁴¹Walipoondoka mlimani kwa Hori wakapiga makambi Salmona.

⁴²Walipoondoka Salmona wakapiga makambi Punoni.

⁴³Walipoondoka Punoni wakapiga makambi Oboti.[#4 Mose 21:10.]

⁴⁴Walipoondoka Oboti wakapiga makambi Iye-Abarimu mpakani kwa Moabu.[#4 Mose 21:11.]

⁴⁵Walipoondoka huko Iyimu wakapiga makambi Diboni wa Gadi.

⁴⁶Walipoondoka Diboni wa Gadi wakapiga makambi Almoni-Dibulataimu.

⁴⁷Walipoondoka Almoni-Dibulataimu wakapiga makambi milimani kwa Abarimu kunakoelekea Nebo.[#4 Mose 21:20.]

⁴⁸Walipoondoka milimani kwa Abarimu wakapiga makambi kwenye mbuga za Moabu ng'ambo ya huku ya Yordani, Yeriko ukiwa ng'ambo ya pili.[#4 Mose 22:1; 5 Mose 32:49.]

⁴⁹Huko Yordani ndiko, walikopiga makambi kutoka Beti-Yesimoti mpaka Abeli-Sitimu kwenye mbuga za Moabu.[#4 Mose 25:1.]

Waisiraeli wanaagizwa kuwaangamiza Wakanaani.

⁵⁰Bwana akamwambia Mose huko kwenye mbuga za Moabu ng'ambo ya huku ya Yordani, Yeriko ukiwa ng'ambo ya pili, kwamba:

⁵¹Sema na wana wa Isiraeli, uwaambie: Mtakapouvuka Yordani kuingia katika nchi ya Kanaani.

⁵²sharti mwafukuze mbele yenu wenyeji wote wa nchi hiyo, kisha myaharibu mawe yao yote yenye machorochoro ya kuyaangukia, navyo vinyago vyao vyote vilivyoyeyushwa sharti mviharibu, napo pao pote pa kutambikia vilimani sharti mpabomoe.

⁵³Kisha mtaichukua hiyo nchi, mkae huko, kwani nimewapa ninyi nchi hiyo, mwichukue, iwe yenu.

⁵⁴Nayo nchi mtaigawanyia ndugu zenu kwa kupiga kura; ndugu walio wengi mwagawie fungu kubwa zaidi kuwa lao, nao walio wachache mwagawie fungu lililo dogo kidogo kuwa lao. Huko, kura itakakomwangukia kila mtu, kutakuwa kwake; sharti mgawiane mafungu yenu kwa mashina ya baba zao.[#4 Mose 26:55.]

⁵⁵Lakini msipowafukuza mbele yenu wenyeji wa nchi hiyo, basi, hao mtakaowasaza watakuwa miiba machoni penu na machomo mbavuni penu, wawasonge ninyi katika nchi, mtakayoikaa ninyi.[#Yos. 23:13.]

⁵⁶Mwisho utakuwa, niwafanyizie ninyi yaleyale, niliyoyawaza kuwafanyizia wao.