Kuuombea Sioni.

¹Bwana, mkumbukie Dawidi masumbuko yake yote!

²Yeye alimwapia Bwana, kisha akamwagia naye yule Mwenye nguvu aliye Mungu wa Yakobo:[#2 Sam. 7.]

³Sitaingia nyumbani mwangu, nilimotua, wala sitapanda kitandani pangu pa kulalia,

⁴nitayazuia macho yangu, yasipate uzingizi, nitaziangalia nazo kope zangu, zisisinzie,

⁵mpaka nitakapompatia Bwana mahali pa kuwapo, pawe makao yake Mwenye nguvu aliye Mungu wa Yakobo.[#Tume. 7:46.]

⁶Ndivyo, tulivyovisikia katika nchi ya Efurata, ndivyo, tulivyoviona mashambani kwenye misitu.[#1 Sam. 7:1; 2 Sam. 6:3.]

⁷Na tuingie hapo, makao yake yalipo! Na tumwangukie hapo, anapowekea miguu yake!

⁸Inuka, Bwana, uingie penya kituo chako, wewe na Sanduku la Agano lenye nguvu zako,[#4 Mose 10:35; 2 Mambo 6:41-42.]

⁹watambikaji wako wajivike wongofu, wakuchao washangilie!

¹⁰Kwa ajili ya mtumishi wako Dawidi usiurudishe nyuma uso wake yeye, uliyempaka mafuta.

¹¹Bwana alimwapia Dawidi kiapo cha kweli, naye hatakiacha akirudi nyuma:[#Sh. 89:4.]

¹²Walio uzao wa mwili wako nitawaketisha katika kiti chako cha kifalme, Kama wanao watalishika Agano langu, walifanye, kama watayashika hayo mashuhuda yangu, nitakayowafundisha, wana wao wataketi kale na kale katika kiti chako cha kifalme.

¹³Kwani Bwana aliuchagua mji wa Sioni, akaupenda, uwe Kao lake:[#Sh. 68:17; 76:3.]

¹⁴Hapo ndipo, kitakapokuwa kituo changu cha kale na kale, hapo ndipo, nitakapokaa, kwani nimepapenda.

¹⁵Vilaji vyake nitavibariki, nao maskini wake nitawashibisha mikate.

¹⁶Watambikaji wake nitawavika wokovu, nao wanichao watapiga vigelegele.

¹⁷Hapo ndipo, nitakapolivumisha baragumu lake Dawidi, limpatie nguvu, naye, niliyempaka mafuta, nitamtengenezea taa.[#Sh. 89:25; 2 Sam. 7:16; Luk. 1:69.]

¹⁸Walio adui zake nitawavika soni, lakini kichwani pake kitametameta kilemba, nilichomfunga.