Kilio cha Wayuda.

¹Kwenye mito ya Babeli twalikaa na kulia tulipoikumbuka Sioni,

²katika mifuu iliyoko kule twaliyaangika mazeze yetu.

³Kwani kule waliotuteka walitushurutisha kuimba nyimbo, wao waliotuumiza walitaka, tuwachezee, wakasema: Tuimbieni wimbo wa Sioni!

⁴Lakini tungaliwezaje kuimba wimbo wa Bwana katika nchi ya ugeni?

⁵Kama ningekusahau, Yerusalemu, nao mkono wangu wa kuume na usahauliwe![#Yer. 51:50.]

⁶Ulimi wangu sharti ugandamane na ufizi wangu, nisipokukumbuka, nisipoukweza Yerusalemu kuwa furaha yangu kuu kuliko nyingine zote.

⁷Bwana, wana wa Edomu na uwakumbukie, walivyoufanyizia Yerusalemu siku ile, waliposema: Bomoeni! Bomoeni mpaka kwenye misingi yake![#Sh. 79:12; Oba. 10-15.]

⁸Wewe binti Babeli, utakuwa mahame tu. Mwenye shangwe ndiye atakayekulipisha hayo matendo yako, uliyotutendea sisi.

⁹Mwenye shangwe ndiye atakayewakamata watoto wako wachanga na kuwaponda mwambani.[#Yes. 13:16.]