Bwana huwalinda walio wake, ijapo siku ziwe mbaya.

¹Bwana ni mwanga wangu na wokovu wangu, nimwogope nani? Bwana ni ngome, nilimpoponea, nimstuke nani?[#Sh. 56:5; Yes. 12:2.]

²Wafanyao mabaya wanikaribia, wanile nyama zangu, lakini wanisongao nao wanichukiao watakajikwaa, waanguke.[#Iy. 19:22.]

³Ijapo kikosi kizima kinivizie, moyo wangu hauogopi; vita vikinitokea, ninalo egemeo langu.[#Sh. 3:7.]

⁴Hili moja, ninalolitaka sana, namwomba Bwana, nikae Nyumbani mwa Bwana siku zote za maisha yangu, niutazame na kuuchunguza uzuri wake Bwana Jumbani mwake.[#Sh. 23:6; 26:6-8; 42:5; 63:3; 84:4-5.]

⁵Kwani hunifunika kambini kwake, siku ikiwa mbaya; hunificha fichoni penye hema lake akinikweza mwambani.[#Sh. 31:21; 40:3.]

⁶Kwa hiyo sasa kichwa changu kitakuwa kimeinuka, kiwashinde wachukivu wangu wanizungukao; napo penye hema lake ndipo, nitakapomtambikia na kumtolea vipaji vya tambiko vya kumshangilia, nimchezee Bwana ngoma na kumwimbia.

⁷Bwana, isikie sauti yangu, ninapokuita, uniwie mpole na kuniitikia!

⁸Moyo wangu unakukumbusha neno lako, lile la kwamba: Utafuteni uso wangu! Sasa ninauelekea uso wako, Bwana, kwa kuutafuta.[#5 Mose 4:29.]

⁹Nawe usiufiche uso wako, usinione! Mtoto wako usimwepuke kwa makali na kumwacha! Wewe ndiwe uliyenisaidia, usinitupe! Mungu aliye wokovu wangu, usiniache!

¹⁰Kwani baba na mama wakiniacha, Bwana hunifikiza kwake.[#Yes. 49:15.]

¹¹Bwana, nifundishe njia yako na kuniongoza, nifuate mapito yanyokayo, waninyatiao wasinipate![#Sh. 25:4; 86:11; 139:24.]

¹²Usinitie mikononi mwao wanisongao! Kwani ndio mashahidi wa uwongo walioniinukia, nao, kusudi wanikorofishe, hunifokea.

¹³Lakini ninayetegemea ya kwamba: Nitaona meme ya Bwana katika nchi yao walio hai.[#Sh. 142:6; Yes. 38:11.]

¹⁴Mngojee Bwana, ujipatie nguvu! Ushupaze moyo wako, umngojee Bwana![#Sh. 31:24.]