Upumbavu wao wasiomcha Mungu.

¹Mpumbavu husema moyoni mwake: Hakuna Mungu.

²Hawafai kitu, mapotovu yao hutapisha, anayefanya mema hayuko huko.

³Mungu huchungulia toka mbinguni, awatazame wana wa watu, aone, kama yuko mwenye akili anayemtafuta Mungu.[#1 Mose 6:12; Tit. 1:16.]

⁴Lakini wote pamoja walirudi nyuma, wote ni waovu, hakuna anayefanya mema, hakuna hata mmoja.[#Rom. 3:12.]

⁵Je? Wale wote wafanyao maovu hawataki kujitambua, wao wanaowala walio ukoo wangu, kama walavyo mkate? Lakini Mungu hawamtambikii!

⁶Patafika, watakapotetemeka kwa kustuka mastuko yasiyokuwa bado, kwa kuwa Mungu ataitapanya mifupa yao waliokuvizia, kwa kuwa Mungu atakuwa amewatupa, atawatia soni.

⁷Laiti wokovu wake Isiraeli utokee Sioni, Mungu awarudishe mateka walio wa ukoo wake! Ndipo, Yakobo atakaposhangilia, ndipo, Isiraeli atakapofurahi.[#Luk. 2:25-32.]