Kumwomba Mungu, aurudishe uzuri wa Isiraeli.

⁵Bwana Mungu Mwenye vikosi, utakasirika mpaka lini, ijapo wakulalamikie walio ukoo wako?

⁶Umewalisha mikate iwalizayo, nayo machozi yao yakawa vinywaji, ulivyowanywesha kwa vikombe.[#Sh. 102:10.]

⁷Umetuacha, majirani zetu wakapigana wao kwa wao, watupate sisi, nao adui zetu wanatusimanga.

⁸Mungu Mwenye vikosi, turudishe kwako! Utuangazie uso wako! Ndivyo, tutakavyookoka.[#Sh. 80:4,20.]

⁹Uko mzabibu, ulioung'oa kule Misri; ukafukuza wamizimu, ukaupanda mahali pao.[#Yes. 5:1-7; Hos. 10:1.]

¹⁰Ukaupanulia, uweze kutia mizizi yake, ukaieneza nchi.

¹¹Milima ikafunikwa na kivuli chake, nayo miangati ya Mungu ikafunikwa na matawi yake mengi.

¹²Ukayaendesha machipukizi yake mpaka baharini, nayo miche yake ukaifikisha kwenye mto mkubwa.

¹³Mbona umekibomoa kitalu chake, wote wapitao njia wakapata kuuchuma?[#Sh. 89:42.]

¹⁴Nguruwe wa mwituni wakauchimbachimba, nao nyama wa porini wakaula.

¹⁵Mungu Mwenye vikosi, tunakuomba: Rudi! Chungulia toka mbinguni, uvione! Huo mzabibu wako uutazama!

¹⁶Uuangalie! Maana mkono wako wa kuume ndio ulioupanda, ni mwanao, uliyemkuza na kumpa nguvu.

¹⁷Umechomwa na moto, ukakatwakatwa; lakini kwa makaripio ya uso wako wataangamia.

¹⁸Mtu, mkono wako wa kuume uliyemweka, mkono wako na umshike! Na umshike huyo mwana wa mtu, uliyemkuza na kumpa nguvu!

¹⁹Nasi hatutaki kuondoka kwako wewe; kusudi tupate kulikuza Jina lako, tupe uzima tena!

²⁰Bwana Mungu Mwenye vikosi, turudishe kwako! Utuangazie uso wako! Ndivyo, tutakavyookoka.[#Sh. 80:4,8.]