Kumtumikia Mungu kwa Kweli.

¹*Nawaonya, ndugu, kwa hivyo, Mungu alivyowaonea uchungu, mtoe miili yenu, iwe vipaji vitakatifu vya tambiko vyenye uzima vya kumpendeza Mungu; huko ndiko kumtumikia Mungu kunakoelekea.[#Rom. 6:13; Yoh. 4:24; 1 Petr. 2:5.]

²Msijifananishe nao walio wa siku hizi tu, ila mgeuke, mpewe mawazo mapya, mpate kuyapambanua, Mungu ayatakayo kwamba: Ni mema ya kumpendeza hapo, yatakapotimilika.[#Ef. 4:23; 5:10,17.]

³Kwa kipaji, nilichogawiwa, namwambia kila mmoja wa kwenu, asiwaze makuu yanayopapita hapo panapopasa kuwaza. Ila awaze, jinsi atakavyopata kuerevuka, kila mtu, kama Mungu alivyomgawia kumtegemea.[#Mat. 20:26; 1 Kor. 12:11; Ef. 4:7.]

⁴Kwani ni vivyo hivy: tunavyo viungo vingi katika mwili mmoja, lakini viungo vyote havina kazi moja.[#1 Kor. 12:12.]

⁵Vivyo sisi tulio wengi tu mwili mmoja, kwa maana tu wa Kristo, tena kila mmoja na mwenzake tu viungo tu.[#1 Kor. 12:27; Ef. 4:25.]

⁶Tena vipaji, tulivyopewa ni vingi, kila mtu anacho chake, kama alivyogawiwa.*[#1 Kor. 12:4.]

*Mwenye ufumbuaji sharti aupatanishe na kumtegemea Mungu.

⁷Mwenye utumishi sharti atumike kweli! Mfunzi na aushike ufundisho wake![#1 Petr. 4:10-11.]

⁸Mwenye kuonya sharti aonyeke! Mwenye kugawia sharti anyenyekee! Aliye mkuu sharti ajihimize! Mwenye kutunza wengine sharti avifurahie![#Mat. 6:3; Luk. 14:12; 2 Kor. 8:2; 9:7.]

⁹Mapendano yasiwe ya uwongo! Yachukieni yaliyo mabaya mkigandamiana nayo yaliyo mema![#Amo. 5:15; 1 Tim. 1:5.]

¹⁰Mpendane kindugu kwa mioyo, tena mwongozane na kuheshimiana ninyi kwa ninyi![#Yoh. 13:4-15; Fil. 2:3; 2 Petr. 1:7.]

¹¹Msilegee, panapotakwa wenye kujikaza! Roho zenu ziwe zenye moto mnapomtumikia Bwana![#Ufu. 3:15.]

¹²Furahini, ya kwamba mnacho kingojeo! Yavumilieni maumivu! Fulizeni kuomba![#1 Tes. 5:17.]

¹³Changeni bia, mwapatie watakatifu, wanavyovikosa! Wageni wapokeeni pasipo kunung'unika![#Ebr. 13:2; 3 Yoh. 5-8.]

¹⁴Changeni bia, mwapatie watakatifu, wanavyovikosa! Wageni wapokeeni pasipo kunung'unika![#Mat. 5:44; Tume. 7:59; 1 Kor. 4:12.]

¹⁵Furahini pamoja nao wafurahio! Lieni pamoja nao waliao![#Sh. 35:13.]

¹⁶Mioyo yenu nyote sharti iwe mmoja! Msiyatunukie yaliyo makuu, ila yaliyo manyonge, mfuatane nayo! Msijiwazie wenyewe kuwa wenye akili!*[#Rom. 15:5; Fano. 3:7.]

Lipizi linalofaa.

¹⁷*Msimlipe mtu maovu kwa maovu! Yawazeni yaliyo mazuri mbele ya watu wote![#Yes. 5:21; 1 Tes. 5:15.]

¹⁸Kwa hivyo, mlivyo, mwe wenye kupatana na watu wote, ikiwezekana![#Mar. 9:50; Ebr. 12:14.]

¹⁹Wapendwa, msijilipize wenyewe, ila jitengeni, makali (ya Mungu) yapate kutokea! Kwani imeandikwa: Bwana anasema:

Lipizi ni langu mimi, ni mimi nitakayelipisha.

²⁰Lakini mchukivu wako akiwa ana njaa, mpe chakula!

Akiwa ana kiu, mpe cha kunywa!

Kwani ukivifanya hivyo,

utampalia makaa ya moto kichwani pake.

²¹Usishindwe nayo yaliyo maovu, ila maovu uyashinde kwa mema!*