Mapatano ya Kikristo.

¹Sisi tulio wenye nguvu imetupasa kuyavumilia manyonge yao wenye kukosa nguvu, tusijipendeze wenyewe.[#Rom. 14:1.]

²Kwetu kila mmoja sharti ampendeze mwenziwe, tusaidiane kujengana vizuri![#1 Kor. 9:19; 10:23-24,33.]

³Kwani naye Kristo hakujipendeza mwenyewe; ila ilikuwa, kama ilivyoandikwa:

Masimango yao wanaokusimanga yameniguia mimi.

⁴*Kwani yote yaliyoandikwa kale yamendikwa, yatufundishe, tupate kukishika kingojeo chetu tukivumilia, tena tukitulizwa mioyo na yale Maandiko.[#Rom. 4:23-24; 1 Kor. 10:11.]

⁵Naye Mungu mwenye uvumilivu na mwenye kuituliza mioyo ya watu awape, mioyo yenu nyote iwe mmoja tu, kama inavyowapasa walio wa Kristo Yesu![#Fil. 3:16.]

⁶Hivyo mtamtukuza Mungu, Baba ya Bwana wetu Yesu Kristo, kwa moyo mmoja na kwa kinywa kimoja.

⁷Kwa hiyo mpokeane, kama Kristo alivyotupokea na sisi, Mungu atukuzwe!

⁸Kwani nasema: Kristo aliwatumikia waliotahiriwa, ajulishe, ya kuwa Mungu ni mkweli, navyo viagio, baba walivyopewa, akavipatia nguvu.[#Mat. 15:24; Tume. 3:25.]

⁹Tena anasema: Wamizimu humtukuza Mungu kwa ajili ya kuhurumiwa, kama ilivyoandikwa:

Kwa hiyo nitakuungama kwenye wamizimu,

nalo Jina lako na niliimbie.

¹⁰Tena anasema:

Furahini, enye wamizimu, pamoja nao walio ukoo wake!

¹¹Na tena:

Mshangilieni Bwana, ninyi wamizimu wote,

makabila yote ya watu yamsifu!

¹²Tena Yesaya anasema:

Shinani mwa Isai ataondokea mwenye kuwatawala wamizimu;

huyo ndiye, wamizimu watakayemngojea.

¹³Naye Mungu, mnayemngojea, awajaze ninyi nyote furaha na utengemano kwa hivyo, mnavyomtegemea, kingojeo chenu kiongezwe nguvu itokayo kwa Roho Mtakatifu!*

Pato la utume wa Paulo.

¹⁴Nami mwenyewe, ndugu zangu, nayashika moyoni, kama yalivyo kweli, ya kuwa mema yenu ninyi ni mengi, tena utambuzi wenu ni mwingi, mkaweza hata kuonyana wenyewe.

¹⁵Kwa hiyo nimejipa moyo wa kuwaandikia neno mojamoja na kutokeza maana kama mtu anayewakumbusha. Kwani hiki ndicho kipaji changu, nilichogawiwa na Mungu,[#Rom. 1:5; 12:3.]

¹⁶nimtumikie Kristo Yesu nikiwatangazia wamizimu Utume mtakatifu wa Mungu na kuwaombea, kusudi wawe kipaji cha tambiko kipendezekacho, kwa kuwa kimetakaswa katika Roho Mtakatifu.[#Rom. 11:13; Fil. 2:17.]

¹⁷Basi, kwa hivyo, ninavyoshikamana na Kristo Yesu, ninaweza kujivunia kazi zake Mungu.

¹⁸Kwani sitajipa moyo wa kusema neno au tendo lo lote, asilolitenda Kristo hapo, nilipoleta wamizimu, wapate kumtii;[#Rom. 1:5; 2 Kor. 3:5.]

¹⁹kwani nguvu iliyowashinda ilikuwa ya vielekezo na ya vioja vyake, tena ile ya Roho takatifu. Hivyo nimeutangaza Utume mwema wa Kristo po pote, nikaanza Yerusalemu, nikaifikisha hata Iliriko na kuzieneza nchi zote zilizoko pembenipembeni.[#Mar. 16:17; Tume. 19:11-12.]

²⁰Nikajitunukia, nisiipige hiyo mbiu njema mahali, Kristo alipokwisha kutangazwa, maana nisiujengee msingi wa mtu mwingine,[#2 Kor. 10:15-16.]

²¹ila yawe, kama yalivyoandikwa:

Watakaomwona ndio wasioambiwa Neno lake

nao wasiolisikia watalijua maana.

Anataka kufika Roma.

²²Kwa ajili hiyo nalizuiliwa mara nyingi kuja kwenu.[#Rom. 1:13.]

²³Lakini sasa katika nchi za upande huu hakuna, nilikosaza, tena tangu miaka mingi ninatunukia, nije kwenu;[#Rom. 1:10-11.]

²⁴nitawafikia hapo, nitakapokwenda Spania. Kwani natazamia kuonana nanyi, nitakapopita, nisindikizwe nanyi kwenda huko; lakini kwanza tupeane kikomo cha maneno na kufurahishana kitambo.[#1 Kor. 16:6.]

²⁵Lakini sasa ninakwenda Yerusalemu, niwatumikie watakatifu.[#Tume. 18:21; 19:21; 20:22.]

²⁶Kwani Wamakedonia na Waakea wamependezwa kuchanga machango ya kuwasaidia watakatifu walio maskini huko Yerusalemu.[#1 Kor. 16:1; 2 Kor. 8:1-4; 9:2,12.]

²⁷Nao walichanga kwa kupendezwa, tena ndio wadeni wao. Maana wamizimu wakigawiwa nao mali za Kiroho, imewapasa nao kuwatumikia hao na kuwagawia mali za kimtu.[#Rom. 9:4; 1 Kor. 9:11.]

²⁸Basi, nitakapolimaliza jambo hilo, nikiwapa pato hilo na kulishuhudia, nitaondoka kwenda Spania na kupitia kwenu.

²⁹Nami najua, ya kuwa nitakapokuja kwenu nitakuja mwenye mema yote, Kristo anayotupa.[#Rom. 1:11.]

³⁰Lakini ndugu, nawahimiza kwa ajili ya Bwana wetu Yesu Kristo na kwa hivyo, tunavyopendana Rohoni, mnipiganie na kuniombea kwa Mungu,[#2 Kor. 1:11; Fil. 1:27; 2 Tes. 3:1.]

³¹nipate kupona katika wale wasiotii huko Yudea, tena huu utumishi wangu upendezeke kwao watakatifu huko Yerusalemu,

³²nami nipate kuja kwenu na kufurahi, tupatiane vituo, Mungu akitaka.

³³Naye Mungu mwenye utengemano awe pamoja nanyi nyote! Amin.[#Rom. 16:20.]