Wayuda na Wagriki, wote ni wakosaji.

¹Ikiwa hivyo, Wayuda wanapitaje wengine? Au kutahiriwa kunafaaje?

²Hufaa sana hapo na hapo. Kwanza waliagiziwa maneno yake Mungu.[#Rom. 9:4; 5 Mose 4:7-8; Sh. 147:19-20.]

³Au mwawazaje? Wengine wao wakikataa kuyategemea, huo ukatavu wao utautangua welekevu wake Mungu?[#Rom. 9:6; 11:29; 2 Tim. 2:13.]

⁴La, sivyo! Sharti Mungu ajulikane kuwa mwenye kweli, lakini kila mtu sharti ajulikane kuwa mwenye uwongo, kama ilivyoandikwa:

Sharti wongofu wako utokezwe na maneno yako,

upate kushinda utakapobishiwa.

⁵Lakini upotovu wetu ukiutokeza wongofu wake Mungu, tutasemaje? Je? Mungu naye siye mpotovu akitutolea makali? (Nasema kimtu.)

⁶La, sivyo! Mungu angaliwezaje kuuhukumu ulimwengu?

⁷Lakini kweli ya Mungu ikiongezwa utukufu na uwongo wangu, mimi tena ninahukumiwaje kama mkosaji?

⁸Hivyo sivyo, tunavyosingiziwa, wengine wakitusema sisi, kwamba tumesema: Na tuyafanye yaliyo maovu, yaliyo mema yapate kutokea? Hao hukumu yao inapasa kabisa.[#Rom. 6:1-2.]

⁹Sasa Je? Tumewapita? Hapana, hata kidogo tu. Kwani hapo mbele tumewasuta wote, Wayuda na Wagriki, kwamba: Wote ni wakosaji,[#Rom. 1:18—2:24.]

¹⁰kama ilivyoandikwa:

Hakuna aliye mwongofu hata mmoja.

¹¹Hakuna aliye mwenye akili, hakuna anayemtafuta Mungu.

¹²Wote pamoja wamepotelewa na njia, wote ni waovu.

Hakuna anayefanya mema, hakuna hata mmoja.

¹³Makoo yao huwa makaburi yaliyo wazi,

ndimi zao huzitumia uwongo tu,

sumu ya pili imo midomoni mwao.

¹⁴Vinywa vyao hujaa matusi na uchungu,[#Sh. 10:7.]

¹⁵miguu yao hupiga mbio kuja kumwaga damu.[#Yes. 59:7-8.]

¹⁶Maangamizo na mavunjiko huzijulisha njia zao,

¹⁷lakini njia ya utengemenao hawaijui.

¹⁸Kumwogopa Mungu hakupo machoni pao.[#Sh. 36:2.]

¹⁹Lakini sisi twajua: Yote, Maonyo yanayosema, huwaambia wenye kuyashika Maonyo, kila kinywa kifumbwe, nao ulimwengu wote uwe umepaswa na hukumu ya Mungu.[#Rom. 2:12; Gal. 3:22.]

²⁰Kwa hiyo hapo, alipo, hapana mwenye mweli wa kimtu atakayepata wongofu kwa kwamba: Ameyafanya Maonyo, kwa sababu Maonyo huleta utambuzi tu wa makosa.[#Rom. 7:7; Sh. 143:2; Gal. 2:16.]

Wongofu wa Kimungu.

²¹*Lakini sasa wongofu wa Kimungu umefunuliwa pasipo Maonyo; nao unashuhudiwa na Maonyo pamoja na Wafumbuaji kwamba:[#Rom. 1:17; Tume. 10:43.]

²²Wongofu wa Kimungu ndio huu: mwanzo ni kumtegemea Yesu Kristo, nao mwisho: wote wanaomtegemea huupata. Kwani hawapitani,

²³kwa sababu wote wamekosa, wakalipoteza fungu lao la utukufu wa Mungu.[#Rom. 3:9,19; 5:2.]

²⁴Kwa hiyo wanapata wongofu bure tu, kwani ni gawio, Yesu Kristo alilowapatia hapo, alipoyalipa makombozi yao.[#Rom. 5:1; Ef. 2:8.]

²⁵Ndiye, Mungu aliyemtoa, kusudi wenye kumtegemea wajipatie Kiti cha Upozi katika damu yake; hapo ndipo, alipoonyesha, wongofu wake ulivyo, akiwaondolea makosa ya kale,[#3 Mose 6:12-16; Ebr. 4:16.]

²⁶ambayo Mungu alikuwa akiyavumilia. Hivi ndivyo, alivyouonyesha siku hizi za sasa wongofu wake kuwa hivyo: Mwenyewe ni mwongofu, tena mwenye kumtegemea Yesu humpa wongofu.

²⁷Basi, majivuno yako wapi? Yamefungiwa! Kwa nguvu ya maonyo gani? Ni yale yanayotaka matendo? Hapana, ni Maonyo yanayotaka kutegemewa tu.[#1 Kor. 1:29,31.]

²⁸Kwani tunalishika hili la kwamba: Mtu hupata wongofu kwa kumtegemea Mungu tu, ijapo asiyatimize Maonyo.*[#Gal. 2:16.]

²⁹Au je? Mungu ni Mungu wao Wayuda tu? Siye Mungu wa wamizimu nao? Kweli, ni Mungu wa wamizimu nao,[#Rom. 10:12.]

³⁰kwani Mungu ni mmoja tu; waliotahiriwa huwapatia wongofu, wakiwa wanamtegemea; vilevile wasiotahiriwa huwapatia wongofu, wakiwa wanamtegemea.[#Rom. 4:11-12.]

³¹Je? Ikiwa hivyo, tutayatangua Maonyo kwa kule kumtegemea? Sivyo, tutayasimamisha.[#Rom. 3:21; 4:3; 8:4; Mat. 5:17.]