Wongofu wa Aburahamu na wa Dawidi.

¹Basi, tusemeje? Aburahamu, baba yetu wa kale, kimtu ameonaje?

²Kwani Aburuhamu, kama alipata wongufu kwa ajili ya matendo yake, kweli analo la kujivunia, lakini mbele ya Mungu haliko.

³Kwani Maandiko yanasemaje?

Aburahamu alimtegemea Mungu,

kwa hiyo aliwaziwa kuwa mwenye wongofu.

⁴Lakini mtu wa kazi haupati mshahara wake kama kipaji, anachogawiwa, ila kama malipo yanayompasa.[#Rom. 11:6; Mat. 20:7,14.]

⁵Lakini asiye mtu wa kazi akimtegemea anayewapatia wongofu nao wasiomcha Mungu, basi, huyo anapata wongofu kwa kumtegemea Mungu.

⁶Ndivyo, anavyosema hata Dawidi kwa kumshangilia mtu, Mungu amwaziaye kuwa mwenye wongofu, ijapo asiyatimize Maonyo.[#Sh. 32:1-2.]

⁷Akasema:

Wenye shangwe ndio walioondolewa mapotovu

nao waliofunikwa makosa.

⁸Mwenye shangwe ni mtu, Bwana asiyemhesabia makosa.

⁹Basi, wenye kushangiliwa hivyo ndio waliotahiriwa au wasiotahiriwa nao? Kwani twasema: Aburahamu aliwaziwa kuwa mwenye wongofu kwa kumtegemea Mungu.

¹⁰Ilikuwa lini, alipowaziwa hivyo? Alipokuwa ametahiriwa au alipokuwa hajatahiriwa bado? Sipo hapo, alipokwisha tahiriwa, ila hapo alipokuwa hajatahiriwa bado.

¹¹Kisha akatahiriwa, apate kielekezo, kiwe kama muhuri ya wongofu uliotoka kwa kumtegemea Mungu, alipokuwa hajatahiriwa bado. Hivyo yeye ni baba yao wote watakaomtegmea Mungu wakiwa hawakutahiriwa; maana nao sharti wawaziwe kuwa wenye wongofu.[#1 Mose 17:10-11.]

¹²Vilevile ni baba yao waliotahiriwa; lakini waliotahiriwa nje tu sio; ni wale tu waliotahiriwa, kisha wakakaza kuzifuata nyayo za kumtegemea Mungu, baba yetu Aburahamu alikokuwa nako alipokuwa hajatahiriwa bado.[#Mat. 3:9.]

¹³Kwani Maonyo siyo yaliyompatia Aburahamu au wao wa uzao wake kiagio cha kwamba; Urithi wako ni ulimwengu wote; hicho amekipata kwa wongofu uliotoka kwa kumtegemea Mungu.[#1 Mose 18:18; 22:17-18.]

¹⁴Kama wenye kuyafuata Maonyo wangekuwa nao warithi, kumtegemea Mungu kungekuwa kwa bure, tena kile kiagio nacho kingekuwa kimekwisha kutanguliwa.

¹⁵Kwani Maonyo huleta makali tu; lakini pasipo Maonyo hata kuyakosea hakuna.[#Rom. 3:20; 5:13; 7:8,10.]

¹⁶Kwa hiyo wenye kumtegemea Mungu ndio watakaogawiwa; tena hivyo kile kiagio kinawatimilia wao wote walio uzao wake, sio wenye kuyafuata Maonyo tu, ila nao wenye kuifuata njia yake Aburahamu ya kumtegemea Mungu; hivyo ndivyo, anavyokuwa baba yetu sisi sote,

¹⁷kama ilivyoandikwa:

Nimekuweka, uwe baba yao mataifa mengi.

Ni kwa sababu alimtegemea Mungu anayewarudisha wafu uzimani, anayeviita visivyokuwapo, vikapata kuwapo.

¹⁸Napo hapo palipokuwa pasipo kingojeo cho chote, alifuliza kukitegemea kingojeo cha kwamba: Atakuwa baba ya mataifa mengi, kama ilivyosemwa: Hivyo ndivyo, wao wa uzao wako watakavyokuwa.[#1 Mose 15:5.]

¹⁹Tena kumtegemea Mungu hakukumpungukia napo hapo, alipouona mwili wake, ya kuwa umekufa; maana alikuwa wa miaka kama mia; wala hapo, alipomwona mama yetu Sara, ya kuwa mwili wake umekufa vilevile.[#1 Mose 17:17.]

²⁰Hata kile kiagio cha Mungu hakupotelewa nacho, kwani kukitegemea hakukumshinda, ila akakaza kukitegemea kwa nguvu, akamtukuza Mungu.[#Ebr. 11:7,11.]

²¹Maana aliyashika moyoni, aliyoyatambua ya kuwa: Yeye ana nguvu ya kuyatimiza, aliyoyaagia.

²²Hivyo ndivyo, alivyowaziwa kuwa mwenye wongofu.[#Rom. 4:3.]

²³Lakini hilo halikuandikwa kwa ajili yake tu, ya kuwa ndivyo, alivyowaziwa,[#Rom. 15:4.]

²⁴ila hata kwa ajili yetu, tutakaowaziwa vivyo hivyo tukimtegemea yeye aliyemfufua Bwana wetu Yesu katika wafu,

²⁵aliyetolewa kwa ajili ya maanguko yetu, akafufuliwa kwa ajili ya wongufu wetu.[#Yes. 53:4-5; 1 Kor. 15:17; 2 Kor. 5:21.]