Agano la Mungu na Nuhu

¹Mungu akambariki Nuhu na wanawe, akawaambia, Zaeni, mkaongezeke, mkaijaze nchi.[#Mwa 1:28]

²Kila mnyama wa nchi atawaogopa ninyi na kuwahofu, na kila ndege wa angani: pamoja na vitu vyote vilivyojaa katika ardhi, na samaki wote wa baharini; vimetiwa mikononi mwenu.[#Hos 2:18; Yak 3:7]

³Kila kiendacho kilicho hai kitakuwa chakula chenu, kama nilivyowapa mboga za majani, kadhalika nawapa hivi vyote.[#Kum 12:15; 14:3]

⁴Bali nyama pamoja na uhai, yaani, damu yake, msile.[#1 Sam 14:34; Mdo 15:20,29; Law 7:26-27; 17:10-14; 19:26; Kum 12:16,23; 15:23]

⁵Hakika damu yenu ya uhai wenu nitaitaka; na kwa mkono wa kila mnyama nitaitaka; na kwa mkono wa mwanadamu, kwa mkono wa ndugu ya mtu nitataka uhai wa mwanadamu.[#Kut 21:28,29; Hes 35:31; Mdo 17:26]

⁶Atakayemwaga damu ya mwanadamu, damu yake huyo itamwagwa na mwanadamu, maana kwa mfano wake Mungu alimfanya mwanadamu.[#Kut 21:12,14; Law 24:17; Mt 26:52; Ufu 13:10; 1 Kor 11:7; Mwa 1:26; Kut 20:13]

⁷Nanyi zaeni, mkaongezeke; zaeni sana katika nchi, mkaongezeke ndani yake.[#Mwa 1:28]

⁸Mungu akamwambia Nuhu, na wanawe pamoja naye, akisema,

⁹Tazama, nilithibitisha agano langu nanyi; tena na uzao wenu baada yenu;

¹⁰tena na kila kiumbe hai kilichoko pamoja nanyi, ndege, na mnyama wa kufugwa, na kila mnyama wa mwitu katika nchi pamoja nanyi; wote wanaotoka katika safina, hata kila kilicho hai katika nchi.[#Mwa 8:1]

¹¹Na agano langu nitalithibitisha nanyi; wala kila chenye mwili hakitafutwa tena kwa maji ya gharika; wala hakutakuwa tena gharika, baada ya hayo, kuiharibu nchi.[#2 Pet 3:5]

¹²Mungu akasema, Hii ndiyo ishara ya agano nifanyalo kati yangu na ninyi, na kila kiumbe hai kilichoko pamoja nanyi, kwa vizazi vyote hata milele;[#Mt 26:26-28]

¹³Mimi nauweka upinde wangu winguni, nao utakuwa ni ishara ya agano kati yangu na nchi.

¹⁴Hata itakuwa nikitanda mawingu juu ya nchi, upinde utaonekana winguni,

¹⁵nami nitalikumbuka agano langu, lililoko kati yangu na ninyi, na kila kiumbe hai katika wote wenye mwili, wala maji hayatakuwa gharika tena kuwaharibu wote wenye mwili.[#Kut 28:12; Law 26:42,45; Eze 16:60; Isa 54:9]

¹⁶Basi huo upinde utakuwa winguni; nami nitauangalia nipate kulikumbuka agano la milele lililoko kati ya Mungu na kila kiumbe hai katika wote wenye mwili kilichoko katika nchi.[#Mwa 17:13,19; 2 Sam 23:5]

¹⁷Mungu akamwambia Nuhu, Hii ndiyo ishara ya agano nililoliweka kati yangu na watu wote walioko katika nchi.

Nuhu na wanawe

¹⁸Wana wa Nuhu waliotoka katika safina, ni Shemu, na Hamu, na Yafethi; na Hamu ndiye baba wa Kanaani.[#Mwa 10:6]

¹⁹Hawa watatu walikuwa wana wa Nuhu na kwa hao nchi yote ikaenea watu.[#Mwa 10:32; 1 Nya 1:4]

²⁰Nuhu akaanza kuwa mkulima, akapanda mizabibu;[#Mwa 3:19; 4:2; Mhu 5:9]

²¹akanywa divai, akalewa; akawa uchi katika hema yake.[#Mwa 19:32,36; Mit 20:1; Efe 5:18]

²²Hamu, baba wa Kanaani, akauona uchi wa baba yake, akawaeleza ndugu zake wawili waliokuwa nje.

²³Shemu na Yafethi wakatwaa vazi, wakalitanda mabegani mwao wote wawili, wakaenda kinyumenyume, wakaufunika uchi wa baba yao; na nyuso zao zilielekea nyuma, wala hawakuuona uchi wa baba yao.[#Kut 20:12; Gal 6:1]

²⁴Nuhu akalevuka katika ulevi wake, akajua mwana wake mdogo alivyomtendea.

²⁵Akasema,[#Kum 27:16; Mt 25:41; Yos 9:23; 1 Fal 9:20]

Na alaaniwe Kanaani;

Atakuwa mtumwa kabisa kwa ndugu zake.

²⁶Akasema,[#Zab 144:15; Ebr 11:16]

Na atukuzwe BWANA Mungu wa Shemu;

Na Kanaani awe mtumwa wake.

²⁷Mungu amwongezee Yafethi.[#Efe 2:13,14; 3:6]

Na akae katika hema za Shemu;

Na Kanaani awe mtumwa wake.

²⁸Na Nuhu akaishi baada ya ile gharika miaka mia tatu na hamsini.

²⁹Siku zote za Nuhu zilikuwa miaka mia tisa na hamsini, akafa.[#Mwa 3:19; Ayu 30:23; 34:15; Zab 89:48; Rum 5:12; 1 Kor 15:21; Ebr 9:27]