Wimbo wa sifa na sala kwa Yerusalemu

¹Nilifurahi waliponiambia,[#Isa 2:3; Yer 31:6; Zek 8:21]

Twende nyumbani kwa BWANA.

²Miguu yetu imesimama

Ndani ya malango yako, Ee Yerusalemu.

³Ee Yerusalemu uliyejengwa[#2 Sam 5:9; Efe 2:21]

Kama mji ulioshikamana,

⁴Huko ndiko wapandako kabila,[#Kum 16:16; Kut 16:34]

makabila ya BWANA;

Kama ulivyowaamuru Waisraeli,

Walishukuru jina la BWANA.

⁵Maana huko viliwekwa viti vya hukumu,

Viti vya enzi vya ukoo wa Daudi.

⁶Uombeeni Yerusalemu amani;[#Isa 62:6; Yer 51:50]

Na wafanikiwe wakupendao;

⁷Amani na ikae ndani ya kuta zako,

Na kufanikiwa ndani ya majumba yako.

⁸Kwa ajili ya ndugu zangu na rafiki zangu

Niseme sasa, Amani ikae nawe.

⁹Kwa ajili ya nyumba ya BWANA, Mungu wetu,

Nitakuombea mema.