Ombi la Kuokolewa kutoka kwa Adui

¹Ee Mungu wa haki yangu, uniitikie niitapo;

Umenifanyizia nafasi wakati wa shida;

Unifadhili na kuisikia sala yangu.

²Enyi wanadamu, hata lini utukufu wangu utafedheheka?

Je! Mtapenda ubatili na kutafuta uongo?

³Bali jueni ya kuwa BWANA amejiteulia mtauwa;[#Kut 33:16; 2 Pet 2:9]

BWANA atasikia nimwitapo.

⁴Mwe na hofu wala msitende dhambi,[#Efe 4:26; Mit 3:7]

Tafakarini vitandani mwenu na kutulia.

⁵Toeni dhabihu za haki,[#Kum 33:19; Zab 37:3]

Na kumtumaini BWANA.

⁶Wengi husema, Nani atakayetuonyesha mema?[#Zab 80:3]

BWANA, utuinulie nuru ya uso wako.

⁷Umenitia furaha moyoni mwangu,

Kupita yao wanapozidishiwa nafaka na divai.

⁸Katika amani nitajilaza na kupata usingizi mara,[#Law 26:5; Kum 12:10; Yn 14:27; Flp 4:7]

Maana Wewe, BWANA, peke yako,

Ndiwe unijaliaye kukaa salama.