MGA AWIT 67

Sa Pangulong Manunugtog; sa mga panugtog na kawad. Salmo, Awit.

¹Dios maawa ka sa amin, at pagpalain mo kami,

At pasilangin nawa niya ang kaniyang mukha sa amin; (Selah)

²Upang ang iyong daan ay maalaman sa lupa,[#Gawa 18:25.]

Ang iyong pangligtas na kagalingan sa lahat ng mga bansa.

³Purihin ka ng mga bayan, Oh Dios;[#Awit 66:4.]

Purihin ka ng lahat ng mga bayan.

⁴Oh mangatuwa at magsiawit sa kasayahan ang mga bansa:

Sapagka't iyong hahatulan ang mga bayan ng karampatan,

At iyong pamamahalaan ang mga bansa sa lupa. (Selah)

⁵Purihin ka ng mga bayan, Oh Dios;

Purihin ka ng lahat ng mga bayan.

⁶Isinibol ng lupa ang kaniyang bunga:[#Lev. 26:4; Awit 85:12.]

Ang Dios ang sarili naming Dios ay pagpapalain kami.

⁷Pagpapalain kami ng Dios:

At lahat ng mga wakas ng lupa ay mangatatakot sa kaniya.