Josue 15

Ang mga Lupain na Ibinigay kay Juda

²Ang kanilang hangganan sa timog ay nagsisimula sa baybayin ng katimugang bahagi ng Dagat na Patay[#15:2 : Sa Hebreo, napakaalat na dagat.]

³papunta sa timog ng Daang Paahon ng Akrabim hanggang sa ilang ng Zin papunta sa timog ng Kades-barnea, at lumampas sa Hezron paakyat sa Adar at paliko papunta sa Karka,

⁴papunta sa Azmon, sa Lambak ng Ehipto at sa Dagat ng Mediteraneo. Ito ang hangganan ng Juda sa timog.

⁵Ang hangganan sa silangan ay ang Dagat na Patay hanggang sa labasan ng tubig ng Ilog Jordan.

Ang hangganan sa hilaga ay nagmula roon sa labasan ng tubig ng Ilog Jordan,

⁶paakyat sa Bet-hogla, at papunta sa hilaga ng Bet-araba hanggang sa Bato ni Bohan. (Si Bohan ay anak ni Ruben.)

⁷Mula rito, papunta sa Lambak ng Acor hanggang sa Debir, at paliko sa hilaga papunta sa Gilgal na nakaharap sa Daang Paahon ng Adumim sa katimugang bahagi ng daluyan ng tubig. At umaabot ito papunta sa mga bukal ng En-semes at palabas ng En-rogel.[#15:7 : Ang ibig sabihin, kaguluhan.]

⁸Mula roon papunta sa Lambak ng Ben-hinom hanggang sa katimugang libis ng lungsod ng mga Jebuseo. (Ito ay ang Jerusalem.) Mula roon, paahon sa tuktok ng bundok sa kanluran ng Lambak ng Hinom sa dulo ng hilagang bahagi ng Lambak ng Refaim.

⁹At mula roon, papunta sa Bukal ng Neftoa, palabas sa mga bayan na malapit sa Bundok ng Efron. Mula roon, pababa sa Baala (na siyang Kiriat-jearim),

¹⁰lumiko sa bandang kanluran ng Baala papunta sa Bundok ng Seir. Pagkatapos, papunta ito sa hilagang bahagi ng libis ng Bundok ng Jearim (na siyang Kesalon), papunta sa Bet-semes at dumadaan sa Timna.

¹¹Mula roon, nagpatuloy ito sa hilagang bahagi ng libis ng Ekron at paliko papunta sa Shikeron, at dumaraan sa Bundok ng Baala hanggang sa Jabneel. Ang hangganan nito ay ang Dagat ng Mediteraneo.

¹²Ang hangganan sa gawing kanluran ay ang dalampasigan ng Dagat Mediteraneo.

Ang Lupaing Ibinigay kay Caleb

¹³Iniutos ng Panginoon kay Josue na ibigay niya ang isang bahagi ng lupain ng lahi ni Juda kay Caleb na anak ni Jefune. Ang lupaing ito ay ang Kiriat-arba, na siyang Hebron. (Si Arba ang ama ni Anak.)

¹⁴Pinalayas ni Caleb sa lupaing iyon ang tatlong lahi ni Anak: ang mga sambahayan nina Sesai, Ahiman at Talmai.

¹⁵Mula roon nilusob niya ang mga nakatira sa Debir (na nooʼy tinatawag na Kiriat-sefer).

¹⁶Sinabi ni Caleb, “Ibibigay ko bilang asawa ang anak kong si Acsa sa lalaking makakaagaw ng Kiriat-sefer.”

¹⁷Si Otniel na anak ni Kenaz na kapatid ni Caleb ang nakaagaw ng lungsod. Kaya sa kanya ibinigay ni Caleb ang anak niyang si Acsa para maging asawa.

¹⁸Nang ikinasal na sila, hinikayat ni Acsa ang asawa niya na humingi sila ng dagdag na lupain sa ama nito. Pagkatapos, pumunta si Acsa kay Caleb, at nang makababa na siya sa kanyang asno, tinanong siya ni Caleb kung ano ang kailangan niya.

¹⁹Sumagot si Acsa, “Hihingi po sana ako ng pabor sa inyo, gusto ko po sanang bigyan nʼyo ako ng lupaing may mga bukal dahil ang lupaing ibinigay nʼyo sa akin sa Negeb ay walang bukal.” Kaya ibinigay sa kanya ni Caleb ang lugar na may mga bukal sa itaas at sa ibaba ng Negeb.

Ang mga Lungsod ng Juda

²¹Ang mga bayan ng lahi ni Juda sa timog, sa pinakadulo ng Negeb malapit sa hangganan ng Edom: Kabzeel, Eder, Jagur,

²²Kina, Dimona, Adada,

²³Kedes, Hazor, Itnan,

²⁴Zif, Telem, Bealot,

²⁵Hazor-hadata, Keriot-hezron (na siyang Hazor),

²⁶Amam, Shema, Molada,

²⁷Hazar-gada, Hesmon, Bet-pelet,

²⁸Hazar-sual, Beer-seba, Biziotia,

²⁹Baala, Iyim, Ezem,

³⁰Eltolad, Kesil, Horma,

³¹Ziklag, Madmana, Sansana,

³²Lebaot, Shilhim, Ayin at Rimon; dalawampuʼt siyam na bayan lahat, kasama ang mga bayan at mga baryo sa paligid nito.

³³Ang mga bayan sa kaburulan sa kanluran: Estaol, Zora, Asna,[#15:33 : Sa Hebreo, Shefela.]

³⁴Zanoa, En-ganim, Tapua, Enam,

³⁵Jarmut, Adulam, Soco, Azeka,

³⁶Saaraim, Aditaim, Gedera (o Gederotaim); labing-apat na bayan lahat, kasama ang mga baryo sa paligid nito.

³⁷Kasama rin ang Zenan, Hadasa, Migdal-gad,

³⁸Dilean, Mizpa, Joctel,

³⁹Laquis, Bozkat, Eglon,

⁴⁰Cabon, Lamas, Kitlis,

⁴¹Gederot, Bet-dagon, Naama at Makeda; 16 na bayan lahat, kasama ang mga baryo sa paligid nito.

⁴²Kasama pa ang Libna, Eter, Asan,

⁴³Ifta, Asna, Nezib,

⁴⁴Keila, Aczib at Maresa; 9 na bayan lahat, kasama ang mga baryo sa paligid nito.

⁴⁵Ganoon din ang Ekron at ang mga bayan at baryo sa paligid nito,

⁴⁶at ang lahat ng bayan at mga baryo na malapit sa Asdod mula sa Ekron papunta sa Dagat ng Mediteraneo.

⁴⁷Ang Asdod at Gaza, kasama ang mga bayan nito at mga baryo hanggang sa Lambak ng Ehipto at sa baybayin ng Dagat ng Mediteraneo.

⁴⁸Ang mga bayan sa kabundukan: Samir, Jatir, Soco,

⁴⁹Dana, Kiriat-sana (na siyang Debir),

⁵⁰Anab, Estemo, Anim,

⁵¹Goshen, Holon at Gilo; labing-isang bayan lahat, kasama ang mga baryo sa paligid nito.

⁵²Ganoon din ang Arab, Duma, Esan,

⁵³Janum, Bet-tapua, Afeka,

⁵⁴Humta, Kiriat-arba (na siyang Hebron) at Zior; 9 bayan lahat, kasama ang mga baryo sa paligid nito.

⁵⁵Kabilang din ang Maon, Carmel, Zif, Juta,

⁵⁶Jezreel, Jokdeam, Zanoa

⁵⁷Kain, Gibea at Timna; sampung bayan lahat, kasama ang mga baryo sa paligid nito.

⁵⁸Ganoon din ang Halhul, Bet-sur at Gedor,

⁵⁹Maarat, Bet-anot at Eltekon; 6 na bayan lahat, kasama ang mga baryo sa paligid nito.

⁶⁰Ang Kiriat Baal (na siyang Kiriat-jearim) at ang Rabba; dalawang bayan, kasama ang mga baryo sa paligid nito.

⁶¹Ang mga bayan sa ilang: Bet-araba, Midin, Secaca,

⁶²Nibsan, ang bayan ng Asin at ang En-gedi; anim na bayan, kasama ang mga baryo sa paligid nito.

⁶³Ngunit hindi mapaalis ng lahi ng Juda ang mga Jebuseo na nakatira sa Jerusalem. Kaya hanggang ngayon doon pa sila nakatira kasama ng mga mamamayan ng Juda.