Kuomba huruma

¹Nakutazamia kwa hamu, ee Mwenyezi-Mungu,

nakuangalia wewe utawalaye huko juu mbinguni!

²Kama watumishi wamtegemeavyo bwana wao,

kama mjakazi amtegemeavyo bibi yake,

ndivyo nasi tunavyokutegemea wewe,

ee Mwenyezi-Mungu, Mungu wetu,

mpaka hapo utakapotuonea huruma.

³Utuhurumie, ee Mwenyezi-Mungu, utuhurumie,

maana tumedharauliwa kupita kiasi.

⁴Tumeshiba muda mrefu dharau za matajiri,

tumepuuzwa mno na wenye kiburi.