Sala dhidi ya maadui wa Israeli

¹“Nimesumbuliwa vibaya tangu ujana wangu…”

Kila mtu katika Israeli na aseme:

²“Nimesumbuliwa vibaya tangu ujana wangu,[#129:2 Labda yahusu wakati Waisraeli walipokuwa bado Misri.]

lakini hawakufaulu kunishinda.

³Walinijeruhi vibaya mgongoni mwangu,

wakafanya kama mkulima anayelima shamba.

⁴Lakini Mwenyezi-Mungu ni mwadilifu;

amezikata kamba za hao watu waovu.”

⁵Na waaibishwe na kurudishwa nyuma,

wote wale wanaouchukia mji wa Siyoni.

⁶Wawe kama nyasi juu ya paa la nyumba,[#129:6 Nyumba za huko Palestina wakati huo zilikuwa kwa wingi na mapaa yaliyo bapa. Mara nyingine majani yaliota juu yake, lakini mara nyingi joto la jua na ukosefu wa udongo wa kutosha uliyafanya kunyauka na hata kukauka kabisa.]

ambazo hunyauka kabla hazijakua,

⁷hakuna anayejishughulisha kuzikusanya,

wala kuzichukua kama matita.

⁸Hakuna apitaye karibu atakayewaambia:

“Mwenyezi-Mungu awabariki!

Twawabariki kwa jina la Mwenyezi-Mungu!”